...

THE REPUBLIC OF THE UNION OF MYANMAR

MINISTRY OF CONSTRUCTION

ပြည်ထောင်စုဝန်ကြီးရုံး / သတင်းများ


မြို့ပြနှင့်အိမ်ရာကဏ္ဍဖွံ့ဖြိုးရေးလုပ်ငန်းများနှင့် မှော်ဘီမြို့နယ်နှင့် လှည်းကူးမြို့နယ်အတွင်းရှိ လမ်း များ အဆင့်မြှင့်တင်ခြင်း ၊ ပြုပြင်ထိန်းသိမ်းခြင်း လုပ်ငန်းများဆောင်ရွက်နေမှုတို့အား ကြည့်ရှုစစ်ဆေး

ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးရွှေလေးသည် ဌာနဆိုင်ရာတာဝန်ရှိသူ များလိုက်ပါလျှက် ၂၀၂၂ ခုနှစ် ၊ ဇူလိုင်လ (၃)ရက်နေ့တွင် ရန်ကုန်တိုင်းဒေသကြီးအတွင်း မြို့ပြနှင့် အိမ်ရာကဏ္ဍဖွံ့ဖြိုးရေးလုပ်ငန်းများ ဆောင်ရွက်ထားရှိမှု ၊ ပြည်သူများသွားလာရေး လွယ်ကူအဆင် ပြေစေရန်နှင့် ဒေသဖွံ့ဖြိုးရေးအတွက် မှော်ဘီမြို့နယ်နှင့် လှည်းကူးမြို့နယ်အတွင်းရှိ လမ်းများ အဆင့်မြှင့်တင်ခြင်း ၊ ပြုပြင်ထိန်းသိမ်းခြင်းလုပ်ငန်းများ ဆောင်ရွက်နေမှုအခြေအနေတို့အား ကွင်းဆင်း ကြည့်ရှုစစ်ဆေးပါသည်။

 ဦးစွာ ပြည်ထောင်စုဝန်ကြီးနှင့် အဖွဲ့သည် ရန်ကုန်တိုင်းဒေသကြီး ၊ လှိုင်သာယာမြို့နယ်ရှိ ကျန်စစ်မင်းအိမ်ရာစီမံကိန်း ၊ စီမံခန့်ခွဲရေးကော်မတီရုံးသို့ ရောက်ရှိရာ မြို့ပြနှင့်အိမ်ရာဖွံ့ဖြိုးရေး ဦးစီးဌာန၊ ဒုတိယညွှန်ကြားရေးမှူးချုပ် ဦးစိုင်းသက်နိုင်မိုး က ရန်ကုန်တိုင်းဒေသကြီးအတွင်း အိမ်ရာ စီမံကိန်းများဖြစ်ပေါ်လာပုံ ၊ လှိုင်သာယာမြို့နယ်အတွင်းရှိ ကျေးရွာများအား အဆင့်မြှင့်တင်ခြင်း ၊ ပြည်သူများနေထိုင်ရေးအဆင်ပြေစေရန် အိမ်ရာစီမံကိန်းများအပိုင်းလိုက် အကောင်အထည်ဖော် ဆောင်ရွက်ထားရှိမှု ၊ နိုင်ငံခြားရင်းနှီးမြှုပ်နှံမှုနှင့် အလုပ်အကိုင်အခွင့်အလမ်းများရရှိစေရန် စက်မှု ဇုန်များ အကောင်အထည်ဖော်ဆောင်ရွက်နေမှုအခြေအနေတို့ကို ရှင်းလင်းတင်ပြပါသည်။

 ဆက်လက်၍ မြို့ပြနှင့်အိမ်ရာဖွံ့ဖြိုးရေးဦးစီးဌာန ၊ ရန်ကုန်တိုင်းဒေသကြီး တာဝန်ခံ ညွှန်ကြားရေးမှူး က ကျန်စစ်မင်းအိမ်ရာစီမံကိန်းအပိုင်း (၁)နှင့် အပိုင်း (၂)တို့၏ စီမံကိန်းဆိုင်ရာ အချက်အလက်များ ၊ အိမ်ရာစီမံကိန်းများ ဆောင်ရွက်ပြီး ၊ ဆောင်ရွက်ဆဲနှင့် ဆက်လက် ဆောင်ရွက်မည့် အစီအစဉ်များကိုလည်းကောင်း ၊ ကျန်စစ်မင်းအိမ်ရာစီမံခန့်ခွဲရေး ကော်မတီ ဥက္ကဋ္ဌ က အိမ်ရာစီမံကိန်းများတွင် နေထိုင်သည့် ပြည်သူများ၏ နေထိုင်မှုဘဝ ၊ နေရာချထားပေးမှု ၊ စုပေါင်းအိမ်ရာများ၏ တွေ့ကြုံရသည့်အခက်အခဲများ ကိုလည်းကောင်း Power Point ဖြင့် အသေး စိတ်ရှင်းလင်းတင်ပြပါသည်။

 ထို့နောက် လှိုင်သာယာမြို့နယ်အတွင်း နေထိုင်သည့် ပြည်သူများ၏ အုပ်ချုပ်မှုပိုင်း ၊ နယ်မြေလုံခြုံရေးအပိုင်းနှင့် ပတ်သက်၍ နယ်မြေခံတာဝန်ရှိသူများက သက်ဆိုင်ရာကဏ္ဍအလိုက် ရှင်းလင်းတင်ပြကြပါသည်။

 တင်ပြချက်များအပေါ် ပြည်ထောင်စုဝန်ကြီး က ပြည်သူများနေထိုင်ရေးအဆင်ပြေစေရန် အိမ်ရာစီမံကိန်းများကို အကောင်အထည်ဖော် ဆောင်ရွက်လျက်ရှိပါကြောင်း ၊ စား ၊ ဝတ် ၊ နေရေး ဆိုတဲ့ အရေးသုံးပါးတွင် နေထိုင်ရေးသည်လည်း အဓိကကျပါကြောင်း ၊ ယခု ကျန်စစ်မင်းအိမ်ရာ စီမံကိန်းအပိုင်း (၁) နှင့် အပိုင်း(၂) တို့တွင် ဆောင်ရွက်ဆဲအိမ်ရာကို ဆက်လက် အကောင်အထည် ဖော်ဆောင်ရွက်ရန် လိုပါကြောင်း ၊ အိမ်ရာစီမံကိန်းများ စနစ်ကျနစွာဖြင့် အကောင်အထည် ပေါ်လာ ရေးအတွက် ဆက်လက်ဆောင်ရွက်ရမည်ဖြစ်ပါကြောင်း ၊ တည်ဆောက်ပြီးအိမ်ရာစီမံကိန်းများကို လည်း ပြန်လည် Review လုပ်ရန် လိုပါကြောင်းမှာကြားပါသည်။

 ထို့နောက် ပြည်ထောင်စုဝန်ကြီးနှင့် အဖွဲ့သည် နယ်မြေခံဌာနဆိုင်ရာ တာဝန်ရှိသူများ နှင့် အတူ FMI အိမ်ရာစီမံကိန်း ၊ ကျန်စစ်မင်းအိမ်ရာစီမံကိန်းအပိုင်း (၁)နှင့် အပိုင်း‌(၂) ၊ ထီးလှိုင်ရှင် အိမ်ရာစီမံကိန်းနှင့် ပန်းလှိုင်အိမ်ရာစီမံကိန်းများရှိ တည်ဆောက်ပြီးအိမ်ရာများနှင့် တည်ဆောက်ဆဲ အိမ်ရာများကို လိုက်လံကြည့်ရှုစစ်ဆေးပြီး FMI ၊ ပန်းလှိုင်အိမ်ရာစခန်းတာဝန်ခံမှ ရှင်းလင်းတင်ပြမှု အပေါ် လုပ်ထုံးလုပ်နည်းများနှင့်အညီ ဆောင်ရွက်ကြရန်နှင့် လုပ်ငန်းလိုအပ်ချက်များ မှာကြားခဲ့ ပါသည်။

 ပြည်ထောင်စုဝန်ကြီးနှင့် အဖွဲ့သည် နေ့လည်ပိုင်းတွင် ရန်ကုန်တိုင်း လမ်းဦးစီးဌာနမှ ဆောင်ရွက်သည့် မှော်ဘီမြို့နယ်နှင့် လှည်းကူးမြို့နယ်တို့ကို ဆက်သွယ်သည့် အရှည်(၄)မိုင် (၁) ဖာလုံရှိသော ဆပ်သွားတော - ညောင်နှစ်ပင်လမ်းအား အမာခံကျောက်လမ်းပုခုံး ဆောင်ရွက်နေ သည့် လုပ်ငန်းများအား ကြည့်ရှုစစ်ဆေးပါသည်။ ဆက်လက်၍ လမ်းဦးစီးဌာန ၊ လမ်းအထူးအဖွဲ့ (၁၄) မှ ခရိုင်ချင်းဆက်လမ်းပေါ်ရှိ ညောင်နှစ်ပင်အဝင်လမ်းအပိုင်းအား လမ်းအဆင့်မြှင့်တင် ဆောင်ရွက် နေမှုတို့ကို ကြည့်ရှုစစ်ဆေးရာ ပြည်ထောင်စုဝန်ကြီးက လမ်းပုခုံးများပါ အမာခံလမ်းအဆင့်ရရှိအောင် အထပ်ထပ် ဆောင်ရွက်ရန် ၊ လမ်းပေါ်ရေမဝပ်စေရန် ၊ သစ်ပင်များအား လိုအပ်ချက်မျှသာ စနစ်တကျ အလင်းဖွင့်ပေးရန်နှင့် လမ်းဘေး ဝဲ / ယာ အပင်မရှိသည့်နေရာများတွင် သစ်ပင်များ စိုက်ပျိုးပေးရန်တို့ကို တာဝန်ရှိသူများအား မှာကြားပါသည်။


  Jul 04 2022