ပဲခူးတိုင်းဒေသကြီး၊ လမ်းဦးစီးဌာန မှ ၂၀၁၈-၂၀၁၉ ဘဏ္ဍာရေးနှစ် လုပ်ငန်းတင်ဒါစနစ်ဖြင့် ဆောင်ရွက်မည့် လုပ်ငန်းများအတွက် တင်ဒါအကြို ညှိနှိုင်းဆွေးနွေးရှင်းလင်းခြင်း အခမ်းအနားကို တင်ဒါကော်မတီဥက္ကဌ စက်မှုလျှပ်စစ်နှင့် လမ်းပန်းဆက်သွယ်ရေး ဝန်ကြီး ဦးသန်းဝင်း၊ တင်ဒါကော်မတီ အတွင်းရေးမှူး ညွှန်ကြားရေးမှူး ဦးဇော်ထွန်း (လမ်းဦးစီးဌာန) နှင့် တင်ဒါကော်မတီအဖွဲ့ဝင်များ တက်ရောက်ကြပြီး တင်ဒါတင်သွင်းသည့် ကုမ္ပဏီများမှ လျောက်လွှာပါ လိုက်နာရမည့် စည်းကမ်းချက်များ၊ သိလိုသည်များ ဆွေးနွေးညှိနှိုင်းခြင်းကို ပဲခူးမြို့ မြို့တော်ခန်းမ တွင် (၉-၁၁-၂၀၁၈)ရက် နံနက် (၁၀:၀၀)နာရီ အချိန် ကျင်းပ ပြုလုပ်ခဲ့ပါသည်။


ထိုင်းနိုင်ငံ၊ ထီးခီးနယ်စပ် မှ ထားဝယ် ရေနက်ဆိပ်ကမ်း Dawei SEZ သို့ (၂)လမ်းသွား နိုင်လွန်ကတ္တရာလမ်း ဖောက်လုပ်ရန် ထိုင်းနိုင်ငံ ၊ NEDA အဖွဲ့က FS ပြုလုပ်ခြင်းအတွက် Technical Assistance ဆောင်ရွက်ရန် ROD လက်မှတ်ရေးထိုးပွဲ အခမ်းအနားကို နေပြည်တော်၊ ဆောက်လုပ်ရေးဝန်ကြီးဌာန၊ အစည်းအဝေးခန်းမတွင် ကျင်းပပြုလုပ်။ (၁-၁၁-၂၀၁၈)

 


ပုသိမ်တံတား အမှတ်(၂) ပန္နက်တော်တင် တွင်းတော်ဝန်း ရတနာပိုင်တိုင် စိုက်ထူခြင်း မင်္ဂလာအခမ်းအနား အား (၂၇-၁၀-၂၀၁၈)ရက်နေ့တွင် ကျင်းပပြုလုပ်ရာ ပြည်ထောင်စုသမ္မတ မြန်မာနိုင်ငံတော် သမ္မတ ဦးဝင်းမြင့် တက်ရောက်။


ရွှေသောင်ယံတံတား (မကျီးချောင်း) ဖွင့်ပွဲ အခမ်းအနားကို (၂၈-၁၀-၂၀၁၈)ရက်နေ့ နံနက်ပိုင်းတွင် ကျင်းပပြုလုပ်ရာ ပြည်ထောင်စုသမ္မတမြန်မာနိုင်ငံတော် သမ္မတ ဦးဝင်းမြင့် တက်ရောက်ဖွင့်လှစ် ။


မင်းဘူး - ပဒါန်း - အမ်း လမ်းပိုင်းလမ်းပြင်ဆင်ထိန်းသိမ်းခြင်းလုပ်ငန်း ဆောင်ရွက်နေမှု အခြေအနေ။
(၁၉-၁၀-၂၀၁၈)၊ လမ်းအထူးအဖွဲ့(၁၁)


ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများနှင့် အတူ Max Myanmar Co, Ltd မှ BOT စနစ်ဖြင့် ဆောင်ရွက်လျက်ရှိသော ရန်ကုန် - ပြည် လမ်းပိုင်းအား လမ်းချဲ့ခြင်းနှင့် AC ခင်းခြင်း လုပ်ငန်းဆောင်ရွက်နေမှု အခြေအနေများကို ကြည့်ရှုစစ်ဆေးပါသည်။ ထို့နောက် ကျေးလက်ဒေသ ဖွံ့ဖြိုးရေးအတွက် ကျေးလက်လမ်းဖွံ့ဖြိုးရေးဦးစီးဌာန က တာဝန်ယူ ဆောင်ရွက်သော တိုက်ကြီးမြို့နယ်ရှိ ဥက္ကံ - ကျွဲဘုတ် လမ်း အရှည်(၅ မိုင် ၄ ဖာလုံ)အား ကွန်ကရစ်လမ်းခင်းခြင်း လုပ်ငန်းဆောင်ရွက်ပြီးစီးမှု အခြေအနေအား ကြည့်ရှုစစ်ဆေးပြီး ဒေသခံပြည်သူများနှင့် တွေ့ဆုံနှုတ်ဆက်ပါသည်။ ဆက်လက်၍ ကျေးလက်လမ်း ဖွံ့ဖြိုးရေး ဦးစီးဌာန က ဆောင်ရွက်သော ဝါးတောသာ - အင်ငူ - ပေါင်းချုပ် - ကြိုးကြာကန်လမ်း နှင့် လမ်းဦးစီးဌာန က တာဝန်ယူ ဆောင်ရွက်သော ပြည် - ပေါက်ခေါင်း - အုတ်တွင်း - တောင်ငူ လမ်း တို့၏ လုပ်ငန်းဆောင်ရွက်မှု အခြေအနေနှင့် ပြုပြင်ထိန်းသိမ်းမှု အခြေအနေတို့ကို ကြည့်ရှုစစ်ဆေးပါသည်။ (၁၃-၁၀-၂၀၁၈)


ရန်ကုန် မိုးပျံအမြန်လမ်းနှင့် ရန်ကုန်မြို့တော် အပြင်ပတ်လမ်းစီမံကိန်း ဦးဆောင်ကော်မတီ၏ ပထမအကြိမ် ညှိနှိုင်းအစည်းအဝေးကို နေပြည်တော် ရုံးအမှတ်(၁၁) ဆောက်လုပ်ရေးဝန်ကြီးဌာန၊ အစည်းအဝေးခန်းမတွင် ကျင်းပပြုလုပ်ရာ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်၊ ပို့ဆောင်ရေးနှင့် ဆက်သွယ်ရေး ဝန်ကြီးဌာန ပြည်ထောင်စုဝန်ကြီး ဦးသန့်စင်မောင်၊ လျှပ်စစ်နှင့်စွမ်းအင် ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချို၊ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း၊ ဆောက်လုပ်ရေးဝန်ကြီးဌာန ဒုတိယဝန်ကြီး ဦးကျော်လင်း၊ ဌာနဆိုင်ရာ တာဝန်ရှိသူများနှင့် IFC မှ တာဝန်ရှိသူများ တက်ရောက်ကြပါသည်။ အဆိုပါ အစည်းအဝေးတွင် စီမံကိန်းအား Public Private Partnership (PPP) စနစ်ဖြင့် အကောင်အထည်ဖော် ဆောင်ရွက်သွားမည် ဖြစ်ကြောင်း၊ ရန်ကုန်မြို့ပြ ဖွံ့ဖြိုးရေး၊ ပို့ဆောင်ဆက်သွယ်ရေးကဏ္ဍ ဖွံ့ဖြိုးတိုးတက်စေရေး၊ ပင်လယ်ကူး သင်္ဘောဆိပ်ကမ်းများ၊ Dry Ports အခြေပြု မြို့သစ်များနှင့် သယ်ယူပို့ဆောင်ရေး လမ်းကြောင်းများ အဆင်ပြေစေရန်နှင့် နိုင်ငံ၏ စီးပွားရေးစင်္ကြံလမ်းမကြီးတစ်ခု အဖြစ် ပေါ်ထွက်လာစေရန် ရည်ရွယ်ကြောင်းတို့ကို ညှိနှိုင်းဆွေးနွေးကြပါသည်။ (၁၅-၁၀-၂၀၁၈)


Page 1 of 21