ကရင်၊ ချင်း၊ တနင်္သာရီ လမ်းတံတားလုပ်ငန်းများ စစ်ဆေး

ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် ဒုတိယဝန်ကြီး ၊ အမြဲတမ်းအတွင်းဝန်နှင့် လမ်းဦးစီးဌာန၊ တံတားဦးစီးဌာန ၊ ကျေးလက်လမ်းဖွံ့ဖြိုးရေး ဦးစီးဌာန တို့မှ ညွှန်ကြားရေးမှူးချုပ်များနှင့်အတူ မေလ (၉)ရက်နေ့တွင် နေပြည်တော် ၊ ရုံးအမှတ်(၁၁) ၊ ဆောက်လုပ်ရေးဝန်ကြီးဌာန ၊ အစည်းအဝေးခန်းမ၌ လုပ်ငန်းစီမံကိန်း နေရာများနှင့် Video Conferencing စနစ်ဖြင့် တိုက်ရိုက်ချိတ်ဆက်၍- (က) ကရင်ပြည်နယ် ၊ အိန္ဒု - ကော့ကရိတ် လမ်းစီမံကိန်းနှင့် ကရင်ပြည်နယ်အတွင်း ဆောင်ရွက်လျှက်ရှိသော လမ်းလုပ်ငန်းများ၊ ဂျိုင်း (ကော့ကရိတ်)တံတား တည်ဆောက်ရေးစီမံကိန်း။ (ခ) ချင်းပြည်နယ် ၊ မတူပီ - ပလက်ဝလမ်းနှင့် ဟားခါး - ဟာသာ - မှန်တော လမ်းတည်ဆောက်ရေး။ (ဂ) တနင်္သာရီတိုင်းဒေသကြီး ၊ သမုတ်-လွတ်လွတ်တံတား ၊ တနင်္သာရီတံတား ၊ ပုလုံးတုံးတုံးတံတား နှင့် တံတားချဉ်းကပ်လမ်းများ တည်ဆောက်နေမှုများ ၊ ကျေးလက်လမ်း ဖွံ့ဖြိုးရေးလုပ်ငန်းများ။ (ဃ) သဘာဝဘေးအန္တရာယ် ကြိုတင်ကာကွယ်ရေးအတွက် ဆောင်ရွက်ထားရှိမည့် လုပ်ငန်းစီမံချက်များ ၊ COVID-19 ကာကွယ်ရေးအတွက် လုပ်ငန်းများအလိုက် ဆောင်ရွက်ထားရှိမှု အခြေအနေများအား ကြည့်ရှုစစ်ဆေးပြီး တာဝန်ရှိသူများ၏ တင်ပြချက်များအပေါ် လုပ်ငန်းလိုအပ်ချက်များ ပေါင်းစပ်ညှိနှိုင်း ဆောင်ရွက်ပါသည်။




 

နေ့စဉ်သတင်းစာများရယူရန်