ဧရာဝတီဒေသ လမ်းတံတားလုပ်ငန်းများ ကြည့်ရှုစစ်ဆေး

ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများနှင့်အတူ ပုသိမ် - ကံကုန်း - မြင်းကဆိပ် - မြောင်းမြလမ်း လုပ်ငန်းဆောင်ရွက်ထားမှု အခြေအနေကို လည်းကောင်း၊ ပမ္မဝတီတံတား (မြင်းကဆိပ်) ကြိုးတံတား၊ မရမ်းချောင် - ရွာသစ် လမ်းပေါ်ရှိ ကျွန်းကုန်း ကြိုးတံတားနှင့် ပန်းတနော် - ရွှေလောင်း - ဝါးခယ်မ လမ်းပေါ်ရှိ ရွှေလောင်း ကြိုးတံတားများ၏ ကြိုးထိန်းခုံ ၊ တာဝါတိုင်၊ ကြိုးဆိုင်းများအား ပြုပြင်ရန် လိုအပ်သည့်အပိုင်းနှင့် အစားထိုး လဲလှယ်ရန် လိုအပ်သည်များကို စစ်ဆေး၍ အမြန် ပြုပြင်ဆောင်ရွက်ရန် တာဝန်ရှိသူများအား လမ်းညွှန်မှာကြားပါသည်။ ဧရာဝတီမြစ်ဝကျွန်းပေါ်ဒေသ လမ်းကွန်ယက် ဖွံ့ဖြိုးတိုးတက်မှု စီမံကိန်းတွင် ပါဝင်သော လမ်းအမှတ်(၁၀) ဘိုကလေး - မော်လမြိုင်ကျွန်း -ကျုံမငေး - ဝါးခယ်မ - မြောင်းမြ လမ်းပေါ်ရှိ ကျွန်းပြဿဒ် တံတား တည်ဆောက်ရေး လုပ်ငန်းခွင်သို့ ရောက်ရှိပြီး တည်ဆောက်နေမှု အခြေအနေများကို ကြည့်ရှုစစ်ဆေးကာ လုပ်ငန်းလိုအပ်ချက်များ လမ်းညွှန်မှာကြားပါသည်။ ရှမ်းစု - ကျုံမငေး - ဝါးခယ်မ လမ်းပေါ်ရှိ ရေကြောင်းသွားသင်္ဘောများ လွတ်ကင်းအောင် မတင်/မချ ပြုလုပ်၍ရသည့် လမ်းသမိုင်တံတား ကြံ့ခိုင်မှု အခြေအနေကို လည်းကောင်း ၊ ဝါးခယ်မ ကြိုးတံတား ကြံ့ခိုင်မှု အခြေအနေကို လည်းကောင်း ကြည့်ရှုစစ်ဆေးပြီး ရေရှည်တည်တံ့ခိုင်မြဲရေးအတွက် ပြုပြင်ရန်လိုအပ်သည်များကို တာဝန်ရှိသူများ အမြဲမပြတ် စစ်ဆေးပြုပြင်သွားရန်တို့ကို လမ်းညွှန်မှာကြားပါသည်။ (၉-၄-၂၀၁၈)

နေ့စဉ်သတင်းစာများရယူရန်