မြစ်ကြီးနားခရိုင်၊ ဆဒုံးမြို့နယ်၊ ဝိုင်းမော် - ဝါရှောင် - ဆဒုံး - ကန်ပိုင်တီ လမ်းပိုင်းတွင် မိုးသည်းထန်စွာ အဆက်မပြတ်ရွာသွန်းမှုကြောင့် မိုင်တိုင် ၅၅/၆-၇ ကြား အလျား ၇၆.၂ မီတာ အမြင့် ၂၁.၃ မီတာ တောင်ပြိုကျမှု ဖြစ်ပွားခဲ့ရာ ၎င်းလမ်းရှိ တံတားအမှတ် ၆/၅၆ အရှည် (၁၇၄)ပေ ကျောက်စီ(Arch bridge) ပြိုကျပျက်စီးမှု ဖြစ်ပေါ်ခဲ့သောနေရာသို့ကချင်ပြည်နယ် လမ်းပန်းဝန်ကြီး၊ လမ်းဦးစီးဌာန ညွှန်ကြားရေးမှူးနှင့် တာဝန်ရှိသူများ သွားရောက် ကြည့်ရှုစစ်ဆေးခဲ့ကြပါသည်။

ယာဉ်ငယ်များ သွားလာနိုင်ရေး အမြန်ဆုံးစီစဉ်ဆောင်ရွက်မည်ဖြစ်ပြီး ယာဉ်ကြီးများ သွားလာနိုင်ရေးအတွက် ဆက်လက်ဆောင်ရွက်မည် ဖြစ်ပါသည်။ (၁၅-၁၀-၂၀၁၈)


ဧရာဝတီတံတား (အောင်လံ-သရက်) တည်ဆောက်မည့် တံတားအူကြောင်း လျာထားနေရာကို အောင်လံဘက်ကမ်းတွင် အမြဲတမ်းအတွင်းဝန် နှင့် တံတားဦးစီးဌာန မှ တာဝန်ရှိသူများ
ကြည့်ရှုစစ်ဆေး ။

(၁၃-၁၀-၂၀၁၈)


ဆောက်လုပ်ရေး ဝန်ကြီးဌာန၊ လမ်းဦးစီးဌာန(ရုံးချုပ်)၊ အမြန်လမ်းပြုပြင် ထိန်းသိမ်းရေးအဖွဲ့၊ ဥတ္တရသီရိခရိုင် လမ်းဦးစီးဌာန တို့မှ အဖွဲ့များ ပူးပေါင်း၍ အမြန်လမ်းမကြီးတလျောက်တွင် မိုင်တိုင် ၂၂၀ မှ ၂၃၂ အတွင်း အမှိုက်ကောက်လှုပ်ရှားမှု ဆောင်ရွက်ခြင်း ။ (၁၃-၁၀-၂၀၁၈)


ဆောက်လုပ်ရေးဝန်ကြီးဌာန၊ တံတားဦးစီးဌာန၊ တည်ဆောက်ရေးအဖွဲ့(၁) က တာဝန်ယူဆောင်ရွက်နေသာ မြောင်းမြတံတားအသစ် စီမံကိန်း၊ မြောင်းမြဘက်ကမ်း ချဉ်းကပ်တံတား M1 နှင့် ပင်မတံတား RP1 ကြားတွင် (၆၈)တန် အလေးချိန်ရှိသော ယက်မ တပ်ဆင်ခြင်း လုပ်ငန်းကို ဆောင်ရွက်မည်ဖြစ်၍  (၁၅-၁၀-၂၀၁၈)ရက်နေ့မှ (၃၁-၁၀-၂၀၁၈)ရက်နေ့ထိ  နဝရတ်လမ်းမကြီးအား ယာယီပိတ်ထားမည်ဖြစ်သဖြင့်လမ်းလွှဲများမှ သွားလာကြပါရန် မေတ္တာရပ်ခံ အသိပေးကြေညာအပ်ပါသည်။
တည်ဆောက်ရေးအဖွဲ့(၁)
မြောင်းမြတံတားသစ် တည်ဆောက်ရေးစီမံကိန်း


မွန်ပြည်နယ်၊ သထုံခရိုင်၊ ကျိုက်ထိုမြို့နယ်၊ လမ်းဦးစီးဌာန က တာဝန်ယူဆောင်ရွက်လျက်ရှိသော Asia Highways (AH1) လမ်းမကြီးပေါ်ရှိ ကျိုက်ထိုမြို့ရှောင်လမ်း ဖောက်လုပ်ခြင်းစီမံကိန်းသို့  ဆောက်လုပ်ရေးဝန်ကြီးဌာန အမြဲတမ်းအတွင်းဝန် နှင့် မွန်ပြည်နယ် လမ်းဦးစီးဌာန မှ တာဝန်ရှိသူများ ကြည့်ရှုစစ်ဆေး ။ (၆-၁၀-၂၀၁၈)


၁။ ဆောက်လုပ်ရေးဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီးဌာန အတွက် ကိုရီးယားနိုင်ငံ၊ KB Kookmin Bank နှင့် KB Labour Union တို့မှ လှူဒါန်းသည့် စာကြည်တိုက်ဖွင့်ပွဲ အခမ်းအနား ကို ၂၀၁၈ ခုနှစ် အောက်တိုဘာလ (၂) ရက်နေ့ နံနက် (၀၈:၀၀) နာရီအချိန်တွင် နေပြည်တော် ရုံးအမှတ်(၄၀)၊ မြို့ပြနှင့်အိမ်ရာဖွံ့ဖြိုးရေးဦးစီးဌာန၊ သုံးထပ်ဆောင်အသစ်၌ ကျင်းပရာ ပြည်ထောင်စုဝန်ကြီး ဦးဟန်ဇော် တက်ရောက်ဖွင့်လှစ်ပေးပါသည်။
၂။ အဆိုပါ အခမ်းအနားသို့ အမြဲတမ်းအတွင်းဝန် ဦးဝင်းတင့်၊ အဆောက်အဦ၊ လမ်း၊ တံတား၊ မြို့ပြနှင့်အိမ်ရာဖွံ့ဖြိုးရေးဦးစီးဌာနတို့မှ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် ဌာနဆိုင်ရာတာဝန်ရှိသူများ ကိုရီးယာနိုင်ငံ၊ KB Kookmin Bank နှင့် KB Labour Union တို့မှ တာဝန်ရှိသူများ တက်ရောက်ကြပါသည်။
၃။ အစီအစဉ်အရ စာကြည့်တိုက်အား ပြည်ထောင်စုဝန်ကြီး ဦးဟန်ဇော်၊ ညွှန်ကြားရေးမှူးချုပ် ဦးမင်းထိန်၊ KB Kookmin Bank မှ Vice President , Mr. JUN KWISANG, KB Labour Union မှ Chairman , Mr. Park Hong Bae နှင့် တာဝန်ရှိသူတို့က ဖဲကြိုးဖြတ် ဖွင့်လှစ်ပေးပြီး အမှတ်တရ စုပေါင်းမှတ်တမ်းတင်ဓါတ်ပုံ ရိုက်ကူးကြပါသည်။
၎။ ထို့နောက် အစီအစဉ်ဒုတိယပိုင်းကို ဆက်လက်ကျင်းပရာ ပြည်ထောင်စုဝန်ကြီး ဦးဟန်ဇော် က ကျေးဇူးတင်စကား ပြောကြားရာတွင် စာအုပ်စာပေဟာ နိုင်ငံတစ်နိုင်ငံရဲ့ မျက်စိနှင့်နားပင် ဖြစ်ပြီး အဆိုပါ မျက်စိနှင့်နားကို ပိုမိုမြင်နိုင်ကြားနိုင်ဖို့ရာ စာကြည့်တိုက်များ အမှန်တကယ် လိုအပ်ပါကြောင်း၊ စာအုပ်တွေဟာ ပညာရေးအသိကို ပိုမိုပေးစွမ်းနိုင်သလို ကျန်းမာရေးအသိကို လည်း ပေးစွမ်းနိုင်ပါကြောင်း၊ တိုးတက်တဲ့နိုင်ငံများများမှာရှိတဲ့လူတွေဟာ အချိန်ကို အလဟဿ အဖြစ်မခံဘဲ ရတဲ့နေရာမှာပင် ကြုံသလိုစာဖတ်ကြပြီး အစိုးရကလည်း ပြည်သူများ စာဖတ် ဖြစ်လာကြရန် နည်းပေါင်းစုံ ဆောင်ရွက်ပေးလျက်ရှိပါကြောင်း၊ ပြည်သူတွေ စာဖတ်လာအောင် တိုင်းနှင့်ပြည်နယ်အနှံ့စာကြည့်တိုက်တွေ၊ ရွေ့လျားစာကြည်တိုက်တွေကို နိုင်ငံတော်အစိုးရမှ ဖွင့်လှစ်ဆောင်ရွက်ပေးလျက်ရှိတာကိုလည်း တွေ့ရမှာ ဖြစ်ပါကြောင်း။
၅။ ကိုရီးယားနိုင်ငံ KB Kookmin Bank နဲ့ ဆောက်လုပ်ရေးဝန်ကြီးဌာနတို့ဟာ ၂၀၁၄ ခုနှစ်ကစပြီး မြန်မာနိုင်ငံရဲ့ အိမ်ရာမူဝါဒများ ၊ အိမ်ရာငွေကြေးစနစ်များ တည်ဆောက်ရေးနှင့် စပ်လျဉ်းပြီး နည်းလမ်းများအတူ ပူးပေါင်းအကောင်အထည် ဖော်လျက်ရှိပါကြောင်း၊ ၂၀၁၇ ခုနှစ် ဖေဖော်ဝါရီလ (၂) ရက်နေ့မှာ အိမ်ရာချေးငွေစနစ် အကောင်အထည်ဖော်နိုင်ဖို့ ဆောက်လုပ်ရေး ဝန်ကြီးဌာန၊ CHID Bank နဲ့ KB Kookmin Bank တို့အကြား သုံးပွင့်ဆိုင် နားလည်မှုစာချွန်လွှာ ရေးထိုးခဲ့ပါကြောင်း။
၆။ နိုင်ငံတစ်နိုင်ငံရဲ့ မြို့ပြအိမ်ရာကဏ္ဍတိုးတက်ကောင်းမွန်စေဖို့ မူဝါဒများ၊ လုပ်ထုံးလုပ်နည်း များ၊ ဥပဒေများ၊ စာရင်းအင်းများ၊ ပြည်တွင်း/ပြည်ပ သတင်းအချက်အလက်များ စတဲ့ အချက်အလက်တွေကို တစ်နေရာတည်းမှာ စုစည်းရရှိနိုင်ဖို့ လိုအပ်ပြီး အဲဒီလိုအပ်ချက်ကို ဖြည့်ဆည်းပေးနိုင်ဖို့ ကိုရီးယားနိုင်ငံ KB Kookmin Bank အနေနဲ့ စာကြည့်တိုက် (၁)ခုကို ယနေ့အကောင်အထည်ဖော်ပေးလိုက်ပြီ ဖြစ်ပါကြောင်း။ 
၇။ ဆောက်လုပ်ရေးဝန်ကြီးဌာနအတွက်ပါ အထောက်အကူပြုနိုင်မယ့် စာကြည့်တိုက်ကို KB Kookmin Bank နှင့် KB Labour Union ကနေ လှူဒါန်းပေးတဲ့အတွက် လှိုက်လှဲစွာ ကျေးဇူးတင်ရှိပါကြောင်း ဝန်ထမ်းများတစ်နေရာတည်းမှာပဲ နည်းပညာဆိုင်ရာများ၊ သုတ/ရသ ဆိုင်ရာများ၊ အခြားဗဟုသုတရစေမည့် စာအုပ်များကို ဖတ်ရှု့နိုင်တော့မှာဖြစ်တဲ့အတွက် ဝမ်းမြောက်ဂုဏ်ယူပါကြောင်းဖြင့် ပြောကြားပါသည်။ 
၈။ ၎င်းနောက် KB Kookmin Bank မှ Vice President, Mr.JUN KWISANG က ကျေးဇူးတင်စကား ပြောကြားပါသည်။ 
၉။ ယင်းနောက် ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်က စာကြည့်တိုက်ဖွင့်ပွဲ အထိမ်းအမှတ် လက်ဆောင်အားပေးအပ်ရာ KB Kookmin Bank မှ Vice President, Mr. JUN KWISANG က လက်ခံရယူပြီး အမှတ်တရ စုပေါင်းမှတ်တမ်းဓါတ်ပုံ ရိုက်ကူးကြပါသည်။
၁၀။ ၎င်းနောက် ပြည်ထောင်စုဝန်ကြီး၊ ဌာနဆိုင်ရာအကြီးအကဲများနှင့် ဧည့်သည်တော်များ သည် စာကြည့်တိုက်အတွင်း လှည့်လည်ကြည့်ရှု့ခဲ့ကြပါသည်။


ရန်ကုန် - မန္တလေး အမြန်လမ်း မိုင်တိုင်အမှတ် (၂၂၉/၀)တွင် (၁-၁၀-၂၀၁၈)ရက် ည(၁၁:၀၀)နာရီအချိန်ခန့်  လေအိတ်ပေါက်၍ လမ်းဘေးရပ်နားပြင်ဆင်နေသော "ကျေးဇူးရှင်" ဘုရားဖူးယာဉ်ကို အရိဒ္ဒမာ Express ယာဉ် မှ  ကားနောက်ပိုင်းအား ဝင်ရောက်တိုက်မိသည့် မတော်တဆမှုဖြစ်စဉ် ဖြစ်ပေါ်ခဲ့ပါသည်။ ဖြစ်စဉ်တွင် ဒဏ်ရာရရှိသည့် လူနာများ တက်ရောက်ဆေးကုသနေသော နေပြည်တော် ကုတင် (၁၀၀၀)ဆေးရုံကြီးသို့ ဆောက်လုပ်ရေးဝန်ကြီးဌာနမှ တာဝန်ရှိသူများနှင့် လမ်းဦးစီးဌာန ရုံးချုပ်၊ ရန်မန်း အမြန်လမ်းမှ အင်ဂျင်နီယာများ သွားရောက်ပြီး ကြည့်ရှုအားပေးပါသည်။


Page 4 of 23

နေ့စဉ်သတင်းစာများရယူရန်