ဆာက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် ဒုတိယဝန်ကြီး ဦးကျော်လင်း၊ ဌာနဆိုင်ရာ တာဝန်ရှိသူများနှင့် အတူ (၁၂-၈-၂၀၁၈)ရက်နေ့ နံနက်ပိုင်းတွင် ပုသိမ်မြို့မှ ထွက်ခွါလာပြီး ပုသိမ် - ကံကုန်း - မြင်းကဆိပ် - မြောင်းမြ လမ်းပြုပြင်ထိန်းသိမ်းမှု အခြေအနေကို လမ်းတစ်လျှောက် ကြည့်ရှုစစ်ဆေးပြီး မြောင်းမြတံတားသစ် တည်ဆောက်ရေးလုပ်ငန်းခွင်သို့ ရောက်ရှိပါသည်။ ရှင်းလင်းဆောင်တွင် တံတားဦးစီးဌာန၊ တည်ဆောက်ရေးအဖွဲ့(၁)၊ ညွှန်ကြားရေးမှူး ဦးမျိုးဝင်း က မြောင်းမြ တံတားသစ် ဆောင်ရွက်ပြီးစီးမှု၊ ဆောင်ရွက်ဆဲ၊ ဆက်လက်ဆောင်ရွက်မည့် လုပ်ငန်းအစီအစဉ်များကို လည်းကောင်း၊   လပွတ္တာ(ပင်လယ်လေး)တံတား လက်ရှိကြိုးတံတား ကြံ့ခိုင်မှုရှိစေရေး ပြင်ဆင်ထိန်းသိမ်းခြင်းလုပ်ငန်း ဆောင်ရွက်ထားရှိမှု အခြေအနေများကို လည်းကောင်း ကြည့်ရှုစစ်ဆေးပါသည်။ ထို့နောက် ပြည်ထောင်စုဝန်ကြီးနှင့် အဖွဲ့သည် မြောင်းမြ - အိမ်မဲ - ပန်းတနော် လမ်းပိုင်း ပြုပြင်ထိန်းသိမ်းထားရှိမှုကို လမ်းတစ်လျှောက် ကြည့်ရှုစစ်ဆေးပါသည်။


ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် ဒုတိယဝန်ကြီး ဦးကျော်လင်း၊ ဌာနဆိုင်ရာ တာဝန်ရှိသူများနှင့်အတူ (၁၁-၈-၂၀၁၈)ရက် နံနက်ပိုင်းတွင် ရန်ကုန်မြို့မှ ထွက်ခွါလာပြီး Oriental Highway Co; Ltd မှ BOT စနစ်ဖြင့် ဆောင်ရွက်သော ရန်ကုန် - ပုသိမ်လမ်း ပြုပြင်ထိန်းသိမ်းမှုကို လမ်းတစ်လျောက်ကြည့်ရှုစစ်ဆေးပြီး ပုသိမ်မြို့သို့ ရောက်ရှိပါသည်။ ပြည်ထောင်စုဝန်ကြီးနှင့်အဖွဲ့သည် ဧရာဝတီတိုင်းဒေသကြီး အစိုးရအဖွဲ့ဝင် ဝန်ကြီးချုပ်၊ ဝန်ကြီးများ၊ လွှတ်တော်ကိုယ်စားလှယ်များနှင့်အတူ ပုသိမ် တံတား အသစ် တည်ဆောက်မည့် လျာထားနေရာ ရွေးချယ်ထားရှိမှုကို ကြည့်ရှုစစ်ဆေးပြီး ယာယီရှင်းလင်းဆောင်တွင် တံတားဦးစီးဌာန၊ ဒု-ညွှန်/ချုပ် ဦးနေအောင်ရဲမြင့် က တံတားနေရာ လျာထားမှု၊ လျာထားလမ်းအူကြောင်း အမှတ်(၄) Plan ပုံနှင့် တံတားဒီဇိုင်း၊ ရေကြောင်းသွား သင်္ဘောများ လွတ်ကင်းမှု အခြေအနေ၊ မြို့တွင်းနှင့် ဆက်စပ်မည့် တံတားချဉ်းကပ်လမ်းနှင့် လူနေအိမ်များ လွတ်ကင်းနိုင်မှု အခြေအနေများကို ရှင်းလင်းတင်ပြရာ ဒုတိယဝန်ကြီး က တံတားလမ်းအူကြောင်း အခြေအနေနှင့် ငွေဆောင်၊ ချောင်းသာလမ်းတို့နှင့် ချိတ်ဆက်မည့် လုပ်ငန်းစဉ်များနှင့် ပက်သက်၍ ဖြည့်စွက်ရှင်းလင်းပါသည်။ ယခုတည်ဆောက်မည့် ပုသိမ်တံတားသစ်သည် ငဝန်မြစ်ကို ဖြတ်ကျော်ပြီး မြစ်အရှေ့ဘက် ပုသိမ်မြို့တွင်းနှင့် မြစ်အနောက်ဘက် စိန်ကုန်းကျေးရွာ တို့ကို ဆက်သွယ်တည်ဆောက်မှာ ဖြစ်ပြီး တံတားဒီဇိုင်းပုံစံကို ခေတ်မီဒီဇိုင်းဖြင့် လှပခန့်ညားသည့် တံတားပုံစံဖြင့် တည်ဆောက်သွားမှာ ဖြစ်သလို တံတားကြီး ပြီးစီးသွားပါက မြို့ပြဖွံ့ဖြိုးမှုနှင့်အတူ လမ်းပန်းဆက်သွယ်ရေး လွယ်ကူချောမွေ့လာမည် ဖြစ်ပါသည်။ မွန်းလွဲပိုင်းတွင် ပြည်ထောင်စုဝန်ကြီး နှင့်အဖွဲ့သည် ပုသိမ်မြို့၊ လမ်းဦးစီးဌာန၊ ညွှန်ကြားရေးမှူးရုံးတွင် အဆောက်အဦ၊ လမ်း၊ တံတား၊ မြို့ပြနှင့်အိမ်ရာ ဖွံ့ဖြိုးရေး ဦးစီးဌာနနှင့် ကျေးလက်လမ်းဖွံ့ဖြိုးရေးဦးစီးဌာန အရာထမ်း၊ အမှုထမ်းများနှင့် တွေ့ဆုံပြီး ဝန်ကြီးဌာန၏ မူဝါဒများ၊ ရည်မှန်းချက်များနှင့် ရှေ့ဆက်လက်ဆောင်ရွက်မည့် လုပ်ငန်းစဉ်များနှင့် ပက်သက်၍ လမ်းညွှန်မှာကြားပြီး ဝန်ထမ်းများ၏ တင်ပြချက်များအပေါ် လုပ်ငန်းလိုအပ်ချက်များ ဖြည့်ဆည်းဆောင်ရွက်ပေးပါသည်။ ထို့နောက် ပုသိမ်မြို့တွင် မြို့ပြနှင့်အိမ်ရာ ဖွံ့ဖြိုးရေး ဦးစီးဌာန က ဆောင်ရွက်သော ဥမ္မာဒန္တီအိမ်ရာ စီမံကိန်းနှင့် ပြည်တော်သာအိမ်ရာ တိုက်ခန်းများ ဆောက်လုပ်ပြီးစီးမှု အခြေအနေတို့ကို ကြည့်ရှု စစ်ဆေးပါသည်။ အဆိုပါ အဆောက်အဦများသည် ပုသိမ်မြို့၊ ပန်းဆက် (၁၄)ရပ်ကွက်တွင် တည်ရှိပြီး အဆောက်အဦ အမျိုးအစားများမှာ (၈)ခန်းတွဲ (၆)ထပ် (၇)လုံး၊ (၆)ခန်းတွဲ (၅)ထပ် (၁၀)လုံး၊ (၂)ခန်းတွဲ (၄)ထပ် (၅)လုံး စုစုပေါင်း(၂၂)လုံး တည်ဆောက်ပြီးစီးပါသည်။


ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများနှင့်အတူ (၄-၈-၂၀၁၈)ရက်နေ့တွင် တောင်တွင်းကြီး - မြို့သစ် - နတ်မောက် လမ်း မိုင်တိုင်(၁၄)ရှိ ပုလင်းချောင်းရေကျော် မိုးဒဏ်ကြောင့် ပျက်စီးမှု အခြေအနေကို ကြည့်ရှုစစ်ဆေးပြီး အမြန်ဆုံး ပြန်လည်ပြုပြင်ရန် တာဝန်ရှိသူများအား လမ်းညွှန်မှာကြားပါသည်။ ထို့နောက် တံတားအထူးအဖွဲ့(၃)က တာဝန်ယူ တည်ဆောက်သည့် မကွေးမြို့နယ်နှင့် တောင်တွင်းကြီးမြို့နယ် တို့ကို ဆက်သွယ်ထားသော တံတားအမှတ်(၁/၂၉၃) တောင်ဦးတံတား တည်ဆောက်မှု အခြေအနေကို လည်းကောင်း၊ မလွန်နှင့် ပဌာနဂို တို့ကို ဆက်သွယ်ထားသော ဧရာဝတီတံတား(မလွန်) ကြံ့ခိုင်မှု အခြေအနေကိုလည်းကောင်း ကြည့်ရှုစစ်ဆေးပြီး တံတားကြီး ရေရှည်ခိုင်မြဲရေးအတွက် အမြဲမပြတ် စစ်ဆေးရန် တာဝန်ရှိသူများအား လမ်းညွှန်မှာကြားပါသည်။ ၄င်းနောက် စစ္စနိုး - ရေနံမ - ကျောက်ပုံ - ကန်တုတ် လမ်း ပြုပြင်ထိန်းသိမ်းထားမှု အခြေအနေ၊ ပုသိမ် - မုံရွာလမ်း (ဥသျှစ်ပင်-ပဒါန်းလမ်းပိုင်း)ရှိ မင်းတုန်းချောင်းတံတား (ပဒါန်းဘက်ကမ်း) ရေတိုက်စားမှုအား ကာကွယ်ထိန်းသိမ်းခြင်း ဆောင်ရွက်နေမှု အခြေအနေများကို ကြည့်ရှုစစ်ဆေးပါသည်။ ပြည်ထောင်စုဝန်ကြီးနှင့်အဖွဲ့သည် ၁၂-၆-၂၀၁၈ ရက်နေ့ သဘာဝဘေးဒဏ်ကြောင့် ပျက်စီးသွားသော သရက် - ကံမ လမ်းပေါ်ရှိ ရေနံ့သာ(မင်းတုန်း)တံတားအား တံတားတည်ဆောက်ရေး အဖွဲ့(၃)က ပြန်လည်ပြုပြင်နေမှု၊ အသစ်တိုးချဲ့ တည်ဆောက်နေမှု တို့ကို ကြည့်ရှုစစ်ဆေးပြီး လုပ်ငန်းလိုအပ်ချက်များ လမ်းညွှန်မှာကြားပါသည်။


၂၁-၇-၂၀၁၈ ရက်နေ့ မှစ၍ ကရင်ပြည်နယ်အတွင်း ရေကြီးမှုနှင့် ရေတိုက်စားမှုများကြောင့် ပျက်စီးမျောပါသွားသော တံတားများအား အမြန်ပြန်လည်တည်ဆောက်ခဲ့ရာ အောက်ပါတံတားများ ပြီးစီးခဲ့ပြီးဖြစ်ပါသည် -

( ၁) ထီလုံ - တာဘောင် - နဘူး - ကော့ကရိတ် လမ်း ၊ မိုင်တိုင် အမှတ် (၂၅/၄- ၂၆/၁) ရှိ ပေ (၅၀) သစ်သားတံတားပျက်စီးမှုအား ပေ (၆၀) D/S ဘေလီတံတားအဖြစ် ပြန်လည်တည်ဆောက်ခြင်း ရာနှုန်းပြည့် ပြီးစီး၊

(၂) ထီလုံ - တာဘောင် - နဘူး - ကော့ကရိတ် လမ်း ၊ မိုင်တိုင် အမှတ် (၂၆/၁- ၂၆/၆) ရှိ ပေ (၄၀) သစ်သားတံတားပျက်စီးမှုအား ပေ (၅၀) D/S ဘေလီတံတားအဖြစ် ပြန်လည်တည်ဆောက်ခြင်း ရာနှုန်းပြည့် ပြီးစီး၊

(၃) ထီလုံ - တာဘောင် - နဘူး - ကော့ကရိတ် လမ်း ၊ မိုင်တိုင် အမှတ် (၃၄/၀) ရှိ (၁၀)ပေ အုတ်ခုံတံတား ပျက်စီးမှုအား ၂၅ ပေသစ်သားတံတားအဖြစ် ပြန်လည်တည်ဆောက်ခြင်း ရာနှုန်းပြည့် ပြီးစီး၊

(၄) လှိုင်းဘွဲ့ - ရှမ်းရွာသစ် လမ်း ၊ မိုင်တိုင် အမှတ် (၁၀/၆- ၁၀/၇) ရှိ (၁၀) ပေ RC တံတားပျက်စီးမှုအား ပေ (၇၀) S/S ဘေလီတံတားအဖြစ် ပြန်လည်တည်ဆောက်ခြင်း ရာနှုန်းပြည့် ပြီးစီး၊

(၅) လှိုင်းဘွဲ့ - ရှမ်းရွာသစ် လမ်း ၊ မိုင်တိုင် အမှတ် (၁၄/၂- ၁၄/၃) ရှိ (၆၀) ပေ RC တံတားပျက်စီးမှုအား ပေ (၆၀) S/S ဘေလီတံတားအဖြစ် ပြန်လည်တည်ဆောက်ခြင်း ရာနှုန်းပြည့် ပြီးစီး၊

(၆) သံဖြူဇရပ် - ဘုရားသုံးဆူ လမ်း ၊ မိုင်တိုင် အမှတ် (၄၅/၀- ၄၅/၁) ရှိ (၆၀) ပေ RC တံတားပျက်စီးမှုအား ပေ (၉၀) D/S ဘေလီတံတားအဖြစ် ပြန်လည်တည်ဆောက်ခြင်း ရာနှုန်းပြည့် ပြီးစီး၊

ထီလုံ - တာဘောင် - နဘူး - ကော့ကရိတ် လမ်းပေါ်တွင် ကျန်ရှိသည့်တံတား(၃)စင်း ပျက်စီးမှုများအားလည်း အမြန်ပြန်လည်တည်ဆောက်လျှက်ရှိရာ မကြာမီပြီးစီးတော့မည်ဖြစ်ပါသည်။

 

သံလွင်တံတား ချဉ်းကပ်လမ်းနှစ်ဘက် ရေကျော်နေသော နေရာသည် ရေအနည်းငယ် လျော့ကျနေပြီ ဖြစ်ပါသဖြင့် (၆) ဘီးကားနှင့်အထက် ယာဉ်ကြီးများ ဖြတ်သန်းသွားလာနိုင်ပြီဖြစ်သော်လည်း ယာဉ်ငယ်များ  ဖြတ်သန်း၍ မရနိုင်သေးပါကြောင်း အသိပေးအပ်ပါသည်။ 

(၁-၈-၂၀၁၈၊ လမ်းဦးစီးဌာန၊ ကရင်ပြည်နယ်)


သံလွင်(ဘားအံ)တံတား ချဉ်းကပ်လမ်း နှစ်ဘက်စလုံးတွင် ရေအနက် (၄)ပေခန့် မြင့်တက်နေပါသဖြင့် မော်တော်ယာဉ်များ သွားလာ၍ မရပါ၊ မော်တော်ယာဉ်များ ဖြတ်သန်းခြင်း ခေတ္တပိတ်ထားပါသည်။

ဘားအံ - သထုံ - ဘားအံ သို့ ခရီးဆက်မည့်သူများ မော်လမြိုင်ဘက်မှ ပတ်၍ အိန္ဒု - ဇာသပြင် လမ်းအတိုင်း သွားမှသာ အဆင်ပြေနိုင်မည် ဖြစ်ပါကြောင်း အသိပေးနှိုးဆော်အပ်ပါသည်။

(၃၁-၇-၂၀၁၈၊ လမ်းဦးစီးဌာန၊ ကရင်ပြည်နယ်)


မြန်မာနိုင်ငံ အင်ဂျင်နီယာကောင်စီ သည် မြန်မာနိုင်ငံ အင်ဂျင်နီယာကောင်စီ ဥပဒေအရ ပြဌာန်းချက်ပါ တာဝန်များနှင့်အညီ ပြည်တွင်းရှိ နည်းပညာတက္ကသိုလ်များ၏ လျောက်ထားချက်အရ အရည်အသွေး စိစစ် အသိအမှတ်ပြုခြင်းကို ဒေသတွင်း အာရှပစိဖိတ်ဒေသ စံနှုန်းများနှင့် စိစစ်ခဲ့ပါသည်။ အဆင့်ဆင့် စိစစ်အောင်မြင်ခဲ့သော နည်းပညာတက္ကသိုလ်(၄)ခုမှ ဘွဲ့သင်တန်း(၁၈)ခုအား ပဏာမ အသိအမှတ်ပြု (Provisional Accredited) လက်မှတ်ချီးမြှင့်ခြင်း အခမ်းအနားကို (၂၉-၇-၂၀၁၈)ရက် နံနက်(၀၉း၀၀)အချိန် မြန်မာနိုင်ငံ အင်ဂျင်နီယာကောင်စီ Function Hall တွင် ကျင်းပပြုလုပ်ပါသည်။ အဆိုပါ အခမ်းအနားသို့ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး၊ ပြည်သူ့လွှတ်တော် ပို့ဆောင်ဆက်သွယ်ရေးနှင့် ဆောက်လုပ်ရေးကော်မတီ ဥက္ကဌ၊ ပို့ဆောင်ရေးနှင့် ဆက်သွယ်ရေး ဝန်ကြီးဌာန ဒုတိယဝန်ကြီး၊ အမျိုးသားပညာရေးမူဝါဒ ကော်မရှင် ဥက္ကဌ၊ မြန်မာနိုင်ငံ အင်ဂျင်နီယာကောင်စီ နာယက အဖွဲ့ဝင်များ၊ အလုပ်အမှုဆောင်များ၊ ကောင်စီဝင်များနှင့် Convener, Chair, Evaluator, Observer များ၊ အရည်အသွေး စိစစ်အသိအမှတ်ပြုလက်မှတ် လက်ခံယူမည့် နည်းပညာတက္ကသိုလ်များမှ ပါမောက္ခချုပ်နှင့် ပါမောက္ခ ဌာနမှူးများ၊ အခြားဖိတ်ကြားထားသည့် ဧည့်သည်များ တက်ရောက်ကြပါသည်။ အရည်အသွေး စိစစ်အသိအမှတ်ပြု လက်မှတ် အသီးသီးကို မန္တလေးနည်းပညာ တက္ကသိုလ်မှ ဘွဲ့သင်တန်း(၇)ခု၊ နည်းပညာတက္ကသိုလ်(သန်လျင်)မှ ဘွဲ့သင်တန်း(၃)ခု၊ နည်းပညာတက္ကသိုလ်(ကျောက်ဆည်)မှ ဘွဲ့သင်တန်း(၆)ခု၊ ရန်ကုန် နည်းပညာတက္ကသိုလ်မှ ဘွဲ့သင်တန်း(၂)ခု စုစုပေါင်း ဘွဲ့သင်တန်း(၁၈)ခု ရယူခဲ့ကြပါသည်။ ထို့နောက် ပြည်ထောင်စုဝန်ကြီး ဦးဟန်ဇော် က မြန်မာနိုင်ငံ အင်ဂျင်နီယာကောင်စီသို့ လှူဒါန်းခဲ့ကြသည့် အလှူရှင်(၁၁)ဦးအား ဂုဏ်ပြုမှတ်တမ်းလွှာများ ပေးအပ်ပါသည်။


ကရင်ပြည်နယ်၊ မွန်ပြည်နယ်၊ ပဲခူးတိုင်းဒေသကြီး အတွင်း သဘာဝဘေးဒဏ်သင့် ပြည်သူများသို့ ဆောက်လုပ်ရေးဝန်ကြီးဌာနမှ လှူဒါန်းသည့် တိုင်းဒေသကြီး/ ပြည်နယ် တစ်ခုချင်းစီအတွက် အလှူငွေ (၂၅)သိန်းကျပ်စီကို ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ကိုယ်စား သက်ဆိုင်ရာ လမ်းဦးစီးဌာန က ပေးအပ်လှူဒါန်း ။ (၂၉-၇-၂၀၁၈)


Page 3 of 20

နေ့စဉ်သတင်းစာများရယူရန်