၁။ ဆောက်လုပ်ရေးဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီးဌာန အတွက် ကိုရီးယားနိုင်ငံ၊ KB Kookmin Bank နှင့် KB Labour Union တို့မှ လှူဒါန်းသည့် စာကြည်တိုက်ဖွင့်ပွဲ အခမ်းအနား ကို ၂၀၁၈ ခုနှစ် အောက်တိုဘာလ (၂) ရက်နေ့ နံနက် (၀၈:၀၀) နာရီအချိန်တွင် နေပြည်တော် ရုံးအမှတ်(၄၀)၊ မြို့ပြနှင့်အိမ်ရာဖွံ့ဖြိုးရေးဦးစီးဌာန၊ သုံးထပ်ဆောင်အသစ်၌ ကျင်းပရာ ပြည်ထောင်စုဝန်ကြီး ဦးဟန်ဇော် တက်ရောက်ဖွင့်လှစ်ပေးပါသည်။
၂။ အဆိုပါ အခမ်းအနားသို့ အမြဲတမ်းအတွင်းဝန် ဦးဝင်းတင့်၊ အဆောက်အဦ၊ လမ်း၊ တံတား၊ မြို့ပြနှင့်အိမ်ရာဖွံ့ဖြိုးရေးဦးစီးဌာနတို့မှ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် ဌာနဆိုင်ရာတာဝန်ရှိသူများ ကိုရီးယာနိုင်ငံ၊ KB Kookmin Bank နှင့် KB Labour Union တို့မှ တာဝန်ရှိသူများ တက်ရောက်ကြပါသည်။
၃။ အစီအစဉ်အရ စာကြည့်တိုက်အား ပြည်ထောင်စုဝန်ကြီး ဦးဟန်ဇော်၊ ညွှန်ကြားရေးမှူးချုပ် ဦးမင်းထိန်၊ KB Kookmin Bank မှ Vice President , Mr. JUN KWISANG, KB Labour Union မှ Chairman , Mr. Park Hong Bae နှင့် တာဝန်ရှိသူတို့က ဖဲကြိုးဖြတ် ဖွင့်လှစ်ပေးပြီး အမှတ်တရ စုပေါင်းမှတ်တမ်းတင်ဓါတ်ပုံ ရိုက်ကူးကြပါသည်။
၎။ ထို့နောက် အစီအစဉ်ဒုတိယပိုင်းကို ဆက်လက်ကျင်းပရာ ပြည်ထောင်စုဝန်ကြီး ဦးဟန်ဇော် က ကျေးဇူးတင်စကား ပြောကြားရာတွင် စာအုပ်စာပေဟာ နိုင်ငံတစ်နိုင်ငံရဲ့ မျက်စိနှင့်နားပင် ဖြစ်ပြီး အဆိုပါ မျက်စိနှင့်နားကို ပိုမိုမြင်နိုင်ကြားနိုင်ဖို့ရာ စာကြည့်တိုက်များ အမှန်တကယ် လိုအပ်ပါကြောင်း၊ စာအုပ်တွေဟာ ပညာရေးအသိကို ပိုမိုပေးစွမ်းနိုင်သလို ကျန်းမာရေးအသိကို လည်း ပေးစွမ်းနိုင်ပါကြောင်း၊ တိုးတက်တဲ့နိုင်ငံများများမှာရှိတဲ့လူတွေဟာ အချိန်ကို အလဟဿ အဖြစ်မခံဘဲ ရတဲ့နေရာမှာပင် ကြုံသလိုစာဖတ်ကြပြီး အစိုးရကလည်း ပြည်သူများ စာဖတ် ဖြစ်လာကြရန် နည်းပေါင်းစုံ ဆောင်ရွက်ပေးလျက်ရှိပါကြောင်း၊ ပြည်သူတွေ စာဖတ်လာအောင် တိုင်းနှင့်ပြည်နယ်အနှံ့စာကြည့်တိုက်တွေ၊ ရွေ့လျားစာကြည်တိုက်တွေကို နိုင်ငံတော်အစိုးရမှ ဖွင့်လှစ်ဆောင်ရွက်ပေးလျက်ရှိတာကိုလည်း တွေ့ရမှာ ဖြစ်ပါကြောင်း။
၅။ ကိုရီးယားနိုင်ငံ KB Kookmin Bank နဲ့ ဆောက်လုပ်ရေးဝန်ကြီးဌာနတို့ဟာ ၂၀၁၄ ခုနှစ်ကစပြီး မြန်မာနိုင်ငံရဲ့ အိမ်ရာမူဝါဒများ ၊ အိမ်ရာငွေကြေးစနစ်များ တည်ဆောက်ရေးနှင့် စပ်လျဉ်းပြီး နည်းလမ်းများအတူ ပူးပေါင်းအကောင်အထည် ဖော်လျက်ရှိပါကြောင်း၊ ၂၀၁၇ ခုနှစ် ဖေဖော်ဝါရီလ (၂) ရက်နေ့မှာ အိမ်ရာချေးငွေစနစ် အကောင်အထည်ဖော်နိုင်ဖို့ ဆောက်လုပ်ရေး ဝန်ကြီးဌာန၊ CHID Bank နဲ့ KB Kookmin Bank တို့အကြား သုံးပွင့်ဆိုင် နားလည်မှုစာချွန်လွှာ ရေးထိုးခဲ့ပါကြောင်း။
၆။ နိုင်ငံတစ်နိုင်ငံရဲ့ မြို့ပြအိမ်ရာကဏ္ဍတိုးတက်ကောင်းမွန်စေဖို့ မူဝါဒများ၊ လုပ်ထုံးလုပ်နည်း များ၊ ဥပဒေများ၊ စာရင်းအင်းများ၊ ပြည်တွင်း/ပြည်ပ သတင်းအချက်အလက်များ စတဲ့ အချက်အလက်တွေကို တစ်နေရာတည်းမှာ စုစည်းရရှိနိုင်ဖို့ လိုအပ်ပြီး အဲဒီလိုအပ်ချက်ကို ဖြည့်ဆည်းပေးနိုင်ဖို့ ကိုရီးယားနိုင်ငံ KB Kookmin Bank အနေနဲ့ စာကြည့်တိုက် (၁)ခုကို ယနေ့အကောင်အထည်ဖော်ပေးလိုက်ပြီ ဖြစ်ပါကြောင်း။ 
၇။ ဆောက်လုပ်ရေးဝန်ကြီးဌာနအတွက်ပါ အထောက်အကူပြုနိုင်မယ့် စာကြည့်တိုက်ကို KB Kookmin Bank နှင့် KB Labour Union ကနေ လှူဒါန်းပေးတဲ့အတွက် လှိုက်လှဲစွာ ကျေးဇူးတင်ရှိပါကြောင်း ဝန်ထမ်းများတစ်နေရာတည်းမှာပဲ နည်းပညာဆိုင်ရာများ၊ သုတ/ရသ ဆိုင်ရာများ၊ အခြားဗဟုသုတရစေမည့် စာအုပ်များကို ဖတ်ရှု့နိုင်တော့မှာဖြစ်တဲ့အတွက် ဝမ်းမြောက်ဂုဏ်ယူပါကြောင်းဖြင့် ပြောကြားပါသည်။ 
၈။ ၎င်းနောက် KB Kookmin Bank မှ Vice President, Mr.JUN KWISANG က ကျေးဇူးတင်စကား ပြောကြားပါသည်။ 
၉။ ယင်းနောက် ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်က စာကြည့်တိုက်ဖွင့်ပွဲ အထိမ်းအမှတ် လက်ဆောင်အားပေးအပ်ရာ KB Kookmin Bank မှ Vice President, Mr. JUN KWISANG က လက်ခံရယူပြီး အမှတ်တရ စုပေါင်းမှတ်တမ်းဓါတ်ပုံ ရိုက်ကူးကြပါသည်။
၁၀။ ၎င်းနောက် ပြည်ထောင်စုဝန်ကြီး၊ ဌာနဆိုင်ရာအကြီးအကဲများနှင့် ဧည့်သည်တော်များ သည် စာကြည့်တိုက်အတွင်း လှည့်လည်ကြည့်ရှု့ခဲ့ကြပါသည်။


ရန်ကုန် - မန္တလေး အမြန်လမ်း မိုင်တိုင်အမှတ် (၂၂၉/၀)တွင် (၁-၁၀-၂၀၁၈)ရက် ည(၁၁:၀၀)နာရီအချိန်ခန့်  လေအိတ်ပေါက်၍ လမ်းဘေးရပ်နားပြင်ဆင်နေသော "ကျေးဇူးရှင်" ဘုရားဖူးယာဉ်ကို အရိဒ္ဒမာ Express ယာဉ် မှ  ကားနောက်ပိုင်းအား ဝင်ရောက်တိုက်မိသည့် မတော်တဆမှုဖြစ်စဉ် ဖြစ်ပေါ်ခဲ့ပါသည်။ ဖြစ်စဉ်တွင် ဒဏ်ရာရရှိသည့် လူနာများ တက်ရောက်ဆေးကုသနေသော နေပြည်တော် ကုတင် (၁၀၀၀)ဆေးရုံကြီးသို့ ဆောက်လုပ်ရေးဝန်ကြီးဌာနမှ တာဝန်ရှိသူများနှင့် လမ်းဦးစီးဌာန ရုံးချုပ်၊ ရန်မန်း အမြန်လမ်းမှ အင်ဂျင်နီယာများ သွားရောက်ပြီး ကြည့်ရှုအားပေးပါသည်။


တနင်္သာရီတိုင်းဒေသကြီး၊ သရက်ချောင်းမြို့နယ်၊ ရန်ကုန် - မြိတ် လမ်းပေါ်ရှိ ဝင်းဝတံတား ဖွင့်ပွဲအခမ်းအနားကို (၃၀-၉-၂၀၁၈)ရက်နေ့တွင် ကျင်းပပြုလုပ်ရာ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်၊ တနင်္သာရီတိုင်းဒေသကြီး အစိုးရအဖွဲ့ဝင် ဝန်ကြီးချုပ် ဒေါက်တာလဲ့လဲ့မော်၊ လွှတ်တော်ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ ဖိတ်ကြားထားသည့် ဧည့်သည်တော်များ၊ ဒေသခံတိုင်းရင်းသားပြည်သူများ တက်ရောက်ကြပါသည်။


တနင်္သာရီတိုင်းဒေသကြီး၊ သရက်ချောင်းမြို့နယ်၊ ရန်ကုန် - မြိတ် လမ်းပေါ်ရှိ ပဲဒက်တံတား  ဖွင့်ပွဲအခမ်းအနားကို (၃၀-၉-၂၀၁၈)ရက်နေ့တွင် ကျင်းပပြုလုပ်ရာ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်၊ တနင်္သာရီတိုင်းဒေသကြီး အစိုးရအဖွဲ့ဝင် ဝန်ကြီးချုပ် ဒေါက်တာလဲ့လဲ့မော်၊ လွှတ်တော်ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ ဖိတ်ကြားထားသည့် ဧည့်သည်တော်များ၊ ဒေသခံတိုင်းရင်းသားပြည်သူများ တက်ရောက်ကြပါသည်။


မြောင်းမြတံတားသစ် တည်ဆောက်ခြင်းလုပ်ငန်းအား တံတားဦးစီးဌာန၊ တည်ဆောက်ရေးအဖွဲ့(၁) က တာဝန်ယူဆောင်ရွက်လျက်ရှိပြီး ယနေ့ ၂၄-၉-၂၀၁၈ ရက်နေ့တွင် ပြီးစီးမှု ၅၆ % ဖြစ်ပါသည်။

လမ်းပန်းဆက်သွယ်မှု ကောင်းမွန်စေရေးအတွက် ဌာနဆိုင်ရာ တာဝန်ရှိသူများနှင့် တည်ဆောက်ရေးဆိုင်ရာ အင်ဂျင်နီယာများ၊  ဝန်ထမ်းများ၊ လုပ်သားများက နေ့/ည တာဝန်များ ခွဲဝေကာ ဆောင်ရွက်လျက် ရှိပါသည်။


တံတားဦးစီးဌာန၊ တည်ဆောက်ရေးအဖွဲ့(၁) က တာဝန်ယူ တည်ဆောက်သည့် ကုလားတန်မြစ်ကူးတံတား (ပလက်ဝ)စီမံကိန်း မတူပီဘက်ကမ်းနှင့် ပလက်ဝဘက်ကမ်းရှိ ချဉ်းကပ်တံတား Box Girder, Plate Girder များပေါ်တွင်

ကြမ်းခင်းခြင်းလုပ်ငန်း ဆောင်ရွက်မှု အခြေအနေ။ (၂၃-၉-၂၀၁၈)

ကရင်ပြည်နယ်အစိုးရအဖွဲ့ဝင် ဝန်ကြီးချုပ်၊ လမ်းပန်းဝန်ကြီး၊ လမ်းဦးစီးဌာန ညွှန်ကြားရေးမှူးနှင့် ဌာနဆိုင်ရာ တာဝန်ရှိသူများသည် သံတောင်(ပျားစခန်း-၁၃ မိုင်စခန်း) လမ်းချဲ့ခြင်းလုပ်ငန်း ဆောင်ရွက်နေမှု   အခြေအနေများ ကြည့်ရှုစစ်ဆေး။ (၂၁-၉-၂၀၁၈)


ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် အမြဲတမ်းအတွင်းဝန်၊ လမ်းဦးစီးဌာနမှ တာဝန်ရှိသူများနှင့်အတူ ဆုထူးပန် ကုမ္ပဏီမှ B.O.T စနစ်ဖြင့် တာဝန်ယူဆောင်ရွက်သော မန္တလေး - မိုးကုတ်လမ်း (လက်ပန်လှ - ဖောတော့ လမ်းပိုင်း) နိုင်လွန်ကတ္တရာခင်းခြင်းလုပ်ငန်းအားကြည့်ရှုစစ်ဆေးခဲ့ပါသည်။  ဆုထူးပန်ကုမ္ပဏီမှ တာဝန်ရှိသူများက လုပ်ငန်းဆောင်ရွက်နေမှုများကို ရှင်းလင်းတင်ပြရာ ပြည်ထောင်စုဝန်ကြီးမှ သတ်မှတ်စံချိန်စံညွှန်းနှင့်အညီ လမ်းလုပ်ငန်းများကို စနစ်တစ်ကျ ဆောင်ရွက်ရန် လမ်းညွှန်မှာကြားပါသည် ။ (၁၇-၉-၂၀၁၈)


မိုးကုတ် - မန္တလေး လမ်းမကြီးမှ အုန်ဒါန်ရွာသွားလမ်း ကတ္တရာလမ်းခင်းခြင်းလုပ်ငန်း ပြီးစီးမှု အခြေအနေကို ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် နှင့် ဌာနဆိုင်ရာ တာဝန်ရှိသူများ

ကြည့်ရှုစစ်ဆေးခဲ့ပါသည်။ မိုးကုတ်မြို့ နယ် ကျေးလက်လမ်းဖွံ့ ဖြိုးရေးဦးစီးဌာန မှ တာဝန်ရှိသူများနှင့် အုန်ဒါန်ကျေးရွာမှ ရွာသူရွာသားများက ခင်မင်ရင်းနှီးစွာ ကြိုဆိုကြပါသည်။ ခွင့်ပြုရန်ပုံငွေ

ဆက်လက်တောင်းခံပြီး ကျန်ရှိသော လမ်းလုပ်ငန်းများကို ဆက်လက်ဆောင်ရွက်မည့်အကြောင်း ပြည်ထောင်စုဝန်ကြီးမှ ရှင်းလင်းပြောကြားခဲ့ပါသည်။(၁၇-၉-၂၀၁၈)


Page 3 of 22

နေ့စဉ်သတင်းစာများရယူရန်