မြန်မာ - ဂျပန် နှစ်နိုင်ငံချစ်ကြည်ရင်းနှီးမှုကို ပိုမိုခိုင်မြဲစေသည့်အပြင် လမ်းပန်း ဆက်သွယ်ရေး ကဏ္ဍဖွံ့ဖြိုးတိုးတက်စေရေးအတွက် နည်းပညာသစ်ဖြင့် တည်ဆောက်ထားသော ဒေါပုံတံတားသစ် ဖွင့်ပွဲအခမ်းအနားကို ၂၀၁၈ ခုနှစ် ၊ သြဂုတ်လ (၂၅) ရက်နေ့ နံနက် (၀၇း ၃၀) အချိန်တွင် အဆိုပါ တံတားရှိမင်္ဂလာမဏ္ဍပ်၌ ကျင်းပခဲ့ပါသည်။ အဆိုပါ တံတားဖွင့်ပွဲအခမ်းအနားသို့ ဆောက်လုပ်ရေးဝန်ကြီးဌာန ၊ ပြည်ထောင်စု ဝန်ကြီး ဦးဟန်ဇော် ၊ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းနှင့် ရန်ကုန်တိုင်း ဒေသကြီးလွှတ်တော်ဥက္ကဋ္ဌ ဦးတင်မောင်ထွန်း ၊ အစိုးရအဖွဲ့ဝင်ဝန်ကြီးများ၊ ဆောက်လုပ်ရေး ဝန်ကြီးဌာန ၊ ဒုတိယဝန်ကြီး နှင့် ဌာနဆိုင်ရာပုဂ္ဂိုလ်များ ၊ လွှတ်တော်ကိုယ်စားလှယ်များ ၊ မြန်မာနိုင်ငံဆိုင်ရာ ဂျပန်သံအမတ်ကြီးနှင့် JICA မှ တာဝန်ရှိပုဂ္ဂိုလ်များ ၊ Nippon Koei ကုမ္ပဏီမှ တာဝန်ရှိပုဂ္ဂိုလ်များ၊ ရန်ကုန်မြို့တော်စည်ပင်သာယာရေးကော်မတီမှ တာဝန်ရှိသူများ ၊ တိုင်း / ခရိုင် / မြို့နယ်အဆင့် တာဝန်ရှိပုဂ္ဂိုလ်များ ၊ ဒေသခံပြည်သူများ ၊ ဖိတ်ကြားထားသည့် ဧည့်သည်တော်များ စုံညီစွာ တက်ရောက်ခဲ့ကြပါသည်။ ထို့နောက်ပြည်ထောင်စုဝန်ကြီးဦးဟန်ဇော်၊ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း တို့မှ အဖွင့်အမှာစကားပြောကြားခဲ့ပြီး ဂျပန်သံအမတ်ကြီး Mr.Ichiro MARUYAMA က ဒေါပုံတံတားတည်ဆောက် ပေးမှုနှင့်ပတ်သက်၍ ရှင်းလင်းပြောကြားခြင်း၊ JICA Myanmar Office မှ Chief Representative Mr.Masayuki KARASAWA မှ တံတားတည်ဆောက်ရေးဆိုင်ရာ စီမံကိန်းလုပ်ငန်းများနှင့် ပတ်သက်၍ ရှင်းလင်းပြောကြားခဲ့ပါသည်။ ထို့နောက် ဒေါပုံတံတားအား တိုင်းဒေသကြီးလွှတ်တော် ဥက္ကဋ္ဌ ဦးတင်မောင်ထွန်း ၊ ဆောက်လုပ်ရေးဝန်ကြီးဌာန ၊ ဒုတိယဝန်ကြီးဦးကျော်လင်း ၊တိုင်းဒေသကြီးလွှတ်တော် ဒုတိယ ဥက္ကဋ္ဌ ဦးလင်းနိုင်မြင့် ၊ အမျိုးသားလွှတ်တော် ဆောက်လုပ်ရေး ၊ စက်မှုလျှပ်စစ်နှင့်စွမ်းအင်ဆိုင်ရာ ကော်မတီ ဥက္ကဋ္ဌ ဦးစောမိုးမြင့် ၊ လျှပ်စစ် ၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော် ၊ JICA Myanmar Office မှ Chief Representative Mr.Masayuki KARASAWA နှင့် Nippon Koei Co.,Ltd မှ Project Manager Mr.Takeshi YOSHIDA တို့မှ ဖဲကြိုးဖြတ်ဖွင့်လှစ်ပေးခဲ့ပြီး ဒေါပုံတံတား ကမ္ပည်းမော်ကွန်းကျောက်စာတိုင်အား ဆောက်လုပ်ရေး ဝန်ကြီးဌာန ၊ ပြည်ထောင်စုဝန်ကြီး ဦးဟန်ဇော် ၊ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးဖြိုးမင်းသိန်း ၊ မြန်မာနိုင်ငံဆိုင်ရာဂျပန်သံအမတ်ကြီး H.E Mr.Ichiro MARUYAMA တို့က စက်ခလုတ်နှိပ် ဖွင့်လှစ်ပေးခဲ့ပါသည်။ ဒေါပုံတံတားသစ်သည် (၄)လမ်းသွား ခေတ်မီ Extradosed ကွန်ကရစ် တံတားကြီးဖြစ်ပြီး အရှည် (၂၅၃) မီတာ ၊ တံတားအုတ်မြစ်ကို ခေတ်မီ Steel Pipe Sheet Pile Foundation (SPSP) နှင့် တည်ဆောက်ထားပြီး အရည်အသွေးနှင့်စံချိန်စံညွှန်း ပြည့်မီကာ Quality Management System ဖြင့် နိုင်ငံတကာစံချိန်မီ တည်ဆောက်ထားခြင်းဖြစ်ကာ ၊ ပင်မတည်ဆောက်သည့် အဖွဲ့အစည်းမှာ ဂျပန်နိုင်ငံ Nippon Koei ကုမ္ပဏီ ဖြစ်ပြီး ၂၀၁၅ ခုနှစ် ဧပြီလ (၁)ရက်နေ့တွင် စတင်တည်ဆောက်ခဲ့ပါသည်။ (၂၅-၈-၂၀၁၈)


မြန်မာနိုင်ငံ အင်ဂျင်နီယာကောင်စီ သည် မြန်မာနိုင်ငံ အင်ဂျင်နီယာကောင်စီ ဥပဒေအရ ပြဌာန်းချက်ပါ တာဝန်များနှင့်အညီ ပြည်တွင်းရှိ နည်းပညာတက္ကသိုလ်များ၏ လျောက်ထားချက်အရ အရည်အသွေး စိစစ် အသိအမှတ်ပြုခြင်းကို ဒေသတွင်း အာရှပစိဖိတ်ဒေသ စံနှုန်းများနှင့် စိစစ်ခဲ့ပါသည်။ အဆင့်ဆင့် စိစစ်အောင်မြင်ခဲ့သော နည်းပညာတက္ကသိုလ်(၄)ခုမှ ဘွဲ့သင်တန်း(၁၈)ခုအား ပဏာမ အသိအမှတ်ပြု (Provisional Accredited) လက်မှတ်ချီးမြှင့်ခြင်း အခမ်းအနားကို (၂၉-၇-၂၀၁၈)ရက် နံနက်(၀၉း၀၀)အချိန် မြန်မာနိုင်ငံ အင်ဂျင်နီယာကောင်စီ Function Hall တွင် ကျင်းပပြုလုပ်ပါသည်။ အဆိုပါ အခမ်းအနားသို့ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး၊ ပြည်သူ့လွှတ်တော် ပို့ဆောင်ဆက်သွယ်ရေးနှင့် ဆောက်လုပ်ရေးကော်မတီ ဥက္ကဌ၊ ပို့ဆောင်ရေးနှင့် ဆက်သွယ်ရေး ဝန်ကြီးဌာန ဒုတိယဝန်ကြီး၊ အမျိုးသားပညာရေးမူဝါဒ ကော်မရှင် ဥက္ကဌ၊ မြန်မာနိုင်ငံ အင်ဂျင်နီယာကောင်စီ နာယက အဖွဲ့ဝင်များ၊ အလုပ်အမှုဆောင်များ၊ ကောင်စီဝင်များနှင့် Convener, Chair, Evaluator, Observer များ၊ အရည်အသွေး စိစစ်အသိအမှတ်ပြုလက်မှတ် လက်ခံယူမည့် နည်းပညာတက္ကသိုလ်များမှ ပါမောက္ခချုပ်နှင့် ပါမောက္ခ ဌာနမှူးများ၊ အခြားဖိတ်ကြားထားသည့် ဧည့်သည်များ တက်ရောက်ကြပါသည်။ အရည်အသွေး စိစစ်အသိအမှတ်ပြု လက်မှတ် အသီးသီးကို မန္တလေးနည်းပညာ တက္ကသိုလ်မှ ဘွဲ့သင်တန်း(၇)ခု၊ နည်းပညာတက္ကသိုလ်(သန်လျင်)မှ ဘွဲ့သင်တန်း(၃)ခု၊ နည်းပညာတက္ကသိုလ်(ကျောက်ဆည်)မှ ဘွဲ့သင်တန်း(၆)ခု၊ ရန်ကုန် နည်းပညာတက္ကသိုလ်မှ ဘွဲ့သင်တန်း(၂)ခု စုစုပေါင်း ဘွဲ့သင်တန်း(၁၈)ခု ရယူခဲ့ကြပါသည်။ ထို့နောက် ပြည်ထောင်စုဝန်ကြီး ဦးဟန်ဇော် က မြန်မာနိုင်ငံ အင်ဂျင်နီယာကောင်စီသို့ လှူဒါန်းခဲ့ကြသည့် အလှူရှင်(၁၁)ဦးအား ဂုဏ်ပြုမှတ်တမ်းလွှာများ ပေးအပ်ပါသည်။


Page 3 of 29

နေ့စဉ်သတင်းစာများရယူရန်