ဂုဏ်ပြုဆု ချီးမြှင့်ခြင်း အခမ်းအနား

ဆောက်လုပ်ရေးဝန်ကြီးဌာန ၊ ဝန်ထမ်းသားသမီးများ၏ ၂၀၁၈ - ၂၀၁၉ ပညာသင်နှစ် တက္ကသိုလ်ဝင်စာမေးပွဲ ထူးချွန်စွာ အောင်မြင်သူများအား ဂုဏ်ပြုဆု ချီးမြှင့်ခြင်း၊ သင်တန်းတွင် တက်ရောက်ပြီး ထူးချွန်သူ ဝန်ထမ်းများအား ဂုဏ်ပြုခြင်းနှင့် ၂၀၁၉ - ၂၀၂၀ ပညာသင်နှစ်တွင် တက်ရောက်ပညာသင်ကြားနေသည့် ကျောင်းသား ၊ ကျောင်းသူများအား ပညာသင်ထောက်ပံ့ကြေး ပေးအပ်ခြင်း အခမ်းအနား ကို (၉-၇-၂၀၁၉)ရက်နေ့ ၊ နေ့လယ် (၁၃း၀၀)အချိန်တွင် နေပြည်တော် ၊ ဆောက်လုပ်ရေးဝန်ကြီးဌာန ၊ စုဝေးခန်းမဆောင် ၌ ကျင်းပပြုလုပ်ရာ ပြည်ထောင်စုဝန်ကြီး ဦးဟန်ဇော် နှင့်ဇနီး ၊ ဒုတိယ ဝန်ကြီး ဦးကျော်လင်း နှင့်ဇနီး ၊ အမြဲတမ်းအတွင်းဝန် ဦးဝင်းတင့် ၊ ဝန်ကြီးရုံး ၊ အဆောက်အဦ ၊ လမ်း ၊ တံတား ၊ မြို့ပြနှင့်အိမ်ရာဖွံ့ဖြိုးရေး ဦးစီးဌာန ၊ ကျေးလက်လမ်းဖွံ့ဖြိုးရေး ဦးစီးဌာန တို့မှ ညွှန်ကြားရေးမှူးချုပ်များ ၊ ဒုတိယညွှန်ကြားရေးမှူးချုပ်များ ၊ အင်ဂျင်နီယာချုပ်များ ၊ ကျောင်းသားမိဘ များ ၊ ထူးချွန်သင်တန်းသားများ ၊ ဂုဏ်ထူးရ ကျောင်းသား ၊ ကျောင်းသူများနှင့် တာဝန်ရှိသူများ တက်ရောက်ကြပါသည်။ အခမ်းအနားတွင် ပြည်ထောင်စုဝန်ကြီး ဦးဟန်ဇော် က ဂုဏ်ပြုအမှာစကားပြောကြားရာ၌ ဝန်ထမ်းများ၏ သား/သမီးများကို နှစ်စဉ်ပညာရည် တိုးတက်မြင့်မားစေရန် ရည်ရွယ်ပြီး ထူးချွန်စွာ အောင်မြင်ခဲ့သည့် ကျောင်းသား/ကျောင်းသူများကို နှစ်စဉ်ဆုချီးမြှင့်ခဲ့တာ ယခုဆိုရင် (၁၀) ကြိမ် ရှိခဲ့ပြီး ဖြစ်ပါကြောင်း။ ဌာနဝန်ထမ်းများရဲ့ သားငယ် ၊ သမီးငယ်များ ထူးချွန်မှုကို အသိအမှတ်ပြုပြီး မင်္ဂလာတရားတော်နဲ့အညီ ဂုဏ်ပြုချီးမြှင့်ပေးရခြင်း ဖြစ်သလို သင်တန်းများမှ ထူးထူးချွန်ချွန် ကြိုးစားအောင်မြင်သူများကို အသိအမှတ်ပြု ဂုဏ်ပြုချီးမြှင့်ခြင်းလည်း ဖြစ်ပါကြောင်း၊ ဒီကနေ့အချိန်အခါဟာ အမျိုးသားပညာရည် မြင့်မားရေးနဲ့ ပညာရေးကဏ္ဍ တိုးတက်စေဘို့အတွက် နိုင်ငံတော်အစိုးရ၊ ပြည်သူ ၊ မိဘ ၊ ဆရာ ၊ ကျောင်းသား အားလုံး ဝိုင်းဝန်းကြိုးပမ်း အကောင်အထည်ဖော်နေချိန်ဖြစ်ပြီး ပညာရေးအခြေခံ မြင့်မားမှသာ စီးပွားရေး ၊ ကျန်းမာရေး ၊ လူမှုရေး အခြေခံကောင်းများ ဖြစ်ထွန်းလာမှာဖြစ်ပါကြောင်း၊ ယနေ့ ကျောင်းသားလူငယ်များရဲ့ အင်အား မျိုးဆက်သစ်များဟာ အနာဂတ်နိုင်ငံတော် တည်ဆောက်ရေးမှာ နိုင်ငံတော်က အားထားရမဲ့ အင်အားများ ဖြစ်ပါကြောင်း၊ နိုင်ငံတော်က မြန်မာ့ပညာရေး အဆင့်အတန်း မြှင့်တင်နိုင်ရေးအတွက် အဆင့်မြင့်ပညာနှင့် အခြေခံပညာ ကဏ္ဍနှစ်ရပ်စလုံးတွင် ပြုပြင်ပြောင်းလဲရေး ရှေ့လုပ်ငန်းစဉ်များ ချမှတ်ဆောင်ရွက် လျက်ရှိပါကြောင်း၊ ဖွံ့ဖြိုးတိုးတက်မှုကို ရှေးရှုသော နိုင်ငံတိုင်းတွင် ပညာရေးသည် အဓိကစိန်ခေါ်မှု တစ်ရပ်လည်း ဖြစ်သလို ကျောင်းသားလူငယ်များသည် မိမိတို့၏ ကိုယ်ပိုင်စွမ်းရည်ကို အပြည့်အဝအသုံးချပြီး စဉ်ဆက်မပြတ် ပညာသင်ယူလိုစိတ်ဖြင့် လက်တွေ့လုပ်ငန်းခွင်တွင်ပါ အသုံးချနိုင်သော အရည်အသွေး ရှိသည့် လေ့လာသင်ယူမှုစနစ်များကို တည်ဆောက်နေကြပြီဖြစ်သလို သင်ရိုးညွှန်းတမ်းများတွင် (၂၁) ရာစု ကျွမ်းကျင်မှုများကို ဦးတည်ထည့်သွင်းထားသည်ကို တွေ့ရှိရပါကြောင်း၊ အခက်အခဲများကို ရင်ဆိုင်ကျော်လွှားသွားရန် လူငယ်များအတွက် လိုအပ်သည့် (၂၁) ရာစု၏ ထက်မြက်သော စိတ်ထားများတွင် ဆန်းစစ်ဝေဖန် နှိုင်းချိန်အကဲဖြတ်စွမ်းရည် ၊ တီထွင်ကြံဆမှု ၊ ပြောဆိုဆက်ဆံမှု ၊ ပူးပေါင်းဆောင်ရွက်တက်မှု ၊ ခေါင်းဆောင်မှု ၊ မီဒီယာနှင့် လူထုဆက်သွယ်ရေး ၊ သတင်းအချက်အလက်ဆိုင်ရာကျွမ်းကျင်မှုနှင့် Mobile နည်းပညာ/ လူမှုဆက်ဆံရေးနှင့် လိုက်လျော ညီထွေဖြစ်မှုစေတဲ့ ကျွမ်းကျင်မှုများသည် (၂၁)ရာစု လူငယ်များအတွက် အနိမ့်ဆုံးလိုအပ်သော ကျွမ်းကျင်မှုများ ဖြစ်ပါကြောင်း၊ အဲ့ဒီကျွမ်းကျင်မှုများကို အခြေခံပြီး ကိုယ်ကျင့်စာရိတ္တပါ မြှင့်တင် နိုင်လျှင် ကိုယ်ရည်ကိုယ်သွေးပိုမိုပြည့်ဝသည့် လူငယ်လူရွယ်များ ဖြစ်လာနိုင်မည် ဖြစ်ပါကြောင်း၊ လူသားအရင်းအမြစ် ဖွံ့ဖြိုးတိုးတက်ရေးတွင် ပညာရေးကဏ္ဍ အရေးကြီးပုံနှင့် သင်ယူမှု နည်းလမ်းအသစ်များ အသုံးပြုပြီး ပြုစုပျိုးထောင်ရာမှာ (၂၁) ရာစု ကျွမ်းကျင်မှုနှင့်ပတ်သက်၍ သင်ယူမှု နည်းလမ်းအသစ်များ အသုံးပြုလေ့ကျင့်သင်ကြားပေးရန် ပညာရေးကဏ္ဍတွင် ပြင်ဆင်ဆောင်ရွက် လျက်ရှိပါကြောင်း၊ ကိုယ့်အတ္တ ၊ ကိုယ်အရေးသာ ကွက်ကွက်လေးကြည့်တက်သော လူအများနေရာတွင် (၂၁) ရာစု ကျွမ်းကျင်မှုများဖြင့် ထုဆစ်ထားသော မျိုးဆက်သစ်အင်အားများဖြင့် တိုင်းပြည်ဖွံ့ဖြိုး တိုးတက်အောင် ပြုလုပ်နိုင်မည်ဆိုတဲ့ ခံယူချက်ဖြင့် ပညာရေးကဏ္ဍမှာ အနာဂတ်နိုင်ငံတော်ကို ပုံဖော် တည်ဆောက်ပေးနေခြင်း ဖြစ်ပါကြောင်း၊ မျက်မှောက်ကာလ လူမှုအဖွဲ့အစည်းက လျင်မြန်စွာပြောင်းလဲနေသာ ထွေပြားရှုပ်ထွေးလျက် ရှိပြီး ရိုးရှင်းသောလူနေမှုစနစ်များနှ့င် ရိုးရာအစဉ်အလာဓလေ့များက ပါးလျားပျောက်ကွယ်ကာ တဖြည်းဖြည်းနှင့်အတိတ်မှာ ကျန်ခဲ့ကြပြီး လွန်ခဲ့သည့်နှစ် (၂၀) ၊ နှစ် (၄၀) ၊ နှစ် (၆၀) က မျိုးဆက်သစ် တို့ဖြတ်သန်းခဲ့ကြဖူးသည့် လူမှုပတ်ဝန်းကျင်နှင့် အပုံကြီးကွာခြားသွားခဲ့ပြီး ဖြစ်ပါကြောင်း၊ အဲ့ဒါကြောင့် မျက်မှောက်ကာလမှာ မသိနားမလည်သေးသူ ၊ အသစ်အဆန်းကို စူးစမ်းလိုသူ ၊ စွန့်စား ကြည့်လိုသူ ၊ လူငယ်များနှင့် ကလေးသူငယ်များ၏ ပတ်ဝန်းကျင်သို့ တိတ်တဆိတ်ရောက်ရှိလာသည့် မူးယစ်ဆေးဝါးအန္တရာယ်ကိုလည်း အထူးရှောင်ရှားကြဖို့ အထူးမှာကြားလိုပါကြောင်း၊ အနာဂတ်နိုင်ငံတော်ကို တာဝန်ယူသွားကြမဲ့ သားတို့ သမီးတို့အနေနဲ့ ခေတ်မီ နည်းပညာ များကို တက်ကျွမ်းပြီး စွမ်းရည်မြင့်မားနေရန် လိုသလိုတိုးတက်လာတဲ့ နည်းပညာအသစ်အဆန်း တွေကို လူ့လောက ၊ ဘဝသာယာအေးချမ်းတိုးတက်ရေးကို ဦးတည်သုံးစွဲနိုင်ဖို့ ၊ အဲ့ဒီနည်းပညာ အသစ်အဆန်းတွေကို တလွဲအသုံးမချမိစေဖို့နဲ့ လူမှုတန်ဖိုးများဖြစ်တဲ့ ရိုးသားဖြူစင်တဲ့စိတ်ဓါတ် ၊ ယဉ်ကျေးပျူငှာတဲ့ အမူအကျင့် ၊ ဘာသာရေးကိုင်းရှိုင်းတဲ့ အစဉ်အလာ ကူညီရိုင်းပင်းတက်တဲ့ အလေ့အထများနဲ့ အများအကျိုးစုပေါင်းဆောင်ရွက်တတ်တဲ့ အလေ့အထများနဲ့ အများအကျိုးစုပေါင်း ဆောင်ရွက်တတ်တဲ့ ဓလေ့စရိုက် ၊ ဒါတွေကို ရိုးမြေကျ ထိန်းသိမ်းနိုင်ဖို့လိုပါကြောင်းဖြင့် ပြောကြား ပါသည်။ ထို့နောက် ပြည်ထောင်စုဝန်ကြီး ဦးဟန်ဇော်က ၂၀၁၈ - ၂၀၁၉ ပညာသင်နှစ် တက္ကသိုလ်ဝင် စာမေးပွဲတွင် (၆) ဘာသာဂုဏ်ထူးဖြင့် ထူးချွန်စွာအောင်မြင်သူ (၃) ဦးနှင့် ဗဟိုဝန်ထမ်းတက္ကသိုလ် တက်ရောက်ပြီး သင်တန်းထူးချွန်သူများအား ဂုဏ်ပြုဆုငွေနှင့် ဂုဏ်ပြုမှတ်တမ်းလွှာများ ပေးအပ် ချီးမြှင့်သည်။ ဆက်လက်၍ ပြည်ထောင်စုဝန်ကြီး၏ ဇနီး ဒေါ်သွင်သွင်အေးမှီ က ၂၀၁၈ - ၂၀၁၉ တက္ကသိုလ်ဝင်စာမေးပွဲတွင် (၆) ဘာသာဂုဏ်ထူးဖြင့် ထူးချွန်စွာအောင်မြင်သူ (၂) ဦးအား ဂုဏ်ပြုဆုငွေ နှင့် ဂုဏ်ပြုမှတ်တမ်းလွှာများ ပေးအပ်ချီးမြှင့်ပါသည်။ ၎င်းနောက် ဒုတိယဝန်ကြီး ဦးကျော်လင်းက (၅) ဘာသာဂုဏ်ထူးရှင် (၃) ဦးနှင့် ဆောက်လုပ်ရေးဝန်ကြီးဌာန ၊ ဗဟိုသင်တန်းကျောင်း(သုဝဏ္ဏ)တွင် တက်ရောက်ပြီး သင်တန်းထူးချွန် သူများအား ဂုဏ်ပြုဆုငွေနှင့် ဂုဏ်ပြုမှတ်တမ်းလွှာများ ပေးအပ်ပါသည်။ ဆက်လက်၍ ဒုတိယဝန်ကြီး ၏ ဇနီး ဒေါ်နီနီအောင်က (၅) ဘာသာဂုဏ်ထူးရှင် (၂) ဦးအား လည်းကောင်း ဂုဏ်ပြုဆုငွေနှင့် ဂုဏ်ပြု မှတ်တမ်းလွှာများ ပေးအပ်ချီးမြှင့်ပါသည်။ ထို့နောက် အမြဲတမ်းအတွင်းဝန် ဦးဝင်းတင့် နှင့် ညွှန်ကြားရေးမှူးချုပ် များက (၄) ဘာသာ ဂုဏ်ထူးရှင် (၈) ဦးနှင့် (၃) ဘာသာဂုဏ်ထူးရှင် (၁၅) ဦးတို့အား ဂုဏ်ပြုဆုငွေနှင့် ဂုဏ်ပြုမှတ်တမ်းလွှာ များ ပေးအပ်ချီးမြှင့်ပါသည်။ ဆက်လက်၍ အစီအစဉ် ဒုတိယပိုင်းကို ကျင်းပရာ အမြဲတမ်းအတွင်းဝန် ဦးဝင်းတင့်က တိုင်းဒေသကြီး/ပြည်နယ်တို့မှ (၁)ဘာသာဂုဏ်ထူးရှင်နှင့် (၂) ဘာသာဂုဏ်ထူးရှင် ၊ ရိုးရိုးအောင်မြင်သူ များနှင့် ပညာသင်ထောက်ပံ့ကြေးတို့အား ကိုယ်စား တက်ရောက်ယူ ညွှန်ကြားရေးမှူး(မြို့ပြ) များထံ ဂုဏ်ပြုဆုငွေနှင့် ဂုဏ်ပြုလက်မှတ်များ အသီးသီး ပေးအပ်ပါသည်။ ကျောင်းသူ/ကျောင်းသားများ ကိုယ်စား (၆)ဘာသာဂုဏ်ထူးရှင် မောင်ရဲရင့်စည်သူ က ကျေးဇူးတင်စကား ပြောကြားပါသည်။ ထို့နောက် ပြည်ထောင်စုဝန်ကြီး ၊ ဒုတိယဝန်ကြီး နှင့် ဌာနဆိုင်ရာအကြီးအကဲများသည် တက္ကသိုလ်ဝင်စာမေးပွဲတွင် ထူးချွန်စွာအောင်မြင်ခဲ့သည့် ကျောင်းသား/ကျောင်းသူများနှင့်အတူ စုပေါင်းမှတ်တမ်းတင်ဓါတ်ပုံရိုက်ကြပါသည်။ ယနေ့အခမ်းအနားသည် ဆောက်လုပ်ရေးဝန်ကြီးဌာန ၊ ဝန်ထမ်းသားသမီးများကို နှစ်စဉ် ပညာရည်တိုးတက်မြင့်မားစေရန် ရည်ရွယ်ပြီး ထူးချွန်စွာဂုဏ်ထူးဖြင့် အောင်မြင်ခဲ့သည့် ကျောင်းသား၊ ကျောင်းသူများကို နှစ်စဉ်ဆုချီးမြှင့်ခဲ့တာ (၁၀) ကြိမ်ရှိပြီး

၂၀၁၈ - ၂၀၁၉ ပညာသင်နှစ်တွင်

(၆) ဘာသာ ဂုဏ်ထူးရှင် (၅) ဦး ၊

(၅) ဘာသာဂုဏ်ထူးရှင် (၅) ဦး ၊

(၄) ဘာသာဂုဏ်ထူးရှင် (၈) ဦး ၊

(၃) ဘာသာ ဂုဏ်ထူးရှင် (၁၅) ဦး ၊

(၂) ဘာသာဂုဏ်ထူးရှင် (၂၁) ဦး ၊

(၁) ဘာသာဂုဏ်ထူးရှင် (၂၉) ဦး ၊

ရိုးရိုး အောင်မြင်သူ (၁၉၀) ဦး ၊ စုစုပေါင်း (၂၇၃) ဦး အောင်မြင်ခဲ့ပြီး ဂုဏ်ပြုဆုငွေနှင့် ဂုဏ်ပြုလက်မှတ်များ ပေးအပ်ခဲ့ပါသည်။