မြစ်ကြီးနား - ဆွမ်ပရာဘွမ် - ပူတာအို လမ်းသည် လမ်း/တံတား လုပ်ငန်းများ အစဉ် ပြုပြင်ဆောင်ရွက်ထားသဖြင့် (၂၇-၂-၂၀၁၈)ရက်နေ့ မတိုင်မီ အထိ ရာသီမရွေး သွားလာနိုင်ခဲ့ပါသည်။

ဆိုးဝါးစွာ ပျက်စီးပြီး ဗွက်တန်းဖြစ်နေသော နေရာများကို ၂၀၁၆-၂၀၁၇ ဘဏ္ဍာနှစ် ပြည်နယ်ဘဏ္ဍာ ရန်ပုံငွေဖြင့် ကွန်ကရစ်လမ်း (၆)မိုင် (၅)ဖာလုံ ခင်းခြင်း၊ ဗွက်တန်းနေရာများကို သဲကျောက်များ ဖြန့်ခင်းကြိတ်ခြင်း တို့ကြောင့် မိုးတွင်းကာလပါ မော်တော်ယာဉ်များ သွားလာနိုင်သဖြင့် ကုန်စည်စီးဆင်းမှု ရပ်တန့်ခဲ့ခြင်း မရှိသည့်အတွက် ပူတာအိုဒေသတွင် ကုန်ဈေးနှုန်းများ တည်ငြိမ်လျက် ရှိခဲ့ပါသည်။

(၂၇-၁-၂၀၁၈)ရက်နေ့မှ (၁၈-၂-၂၀၁၈)ရက်နေ့အတွင်း KIA လက်နက်ကိုင်အဖွဲ့မှ မြစ်ကြီးနား - ဆွမ်ပရာဘွမ် - ပူတာအို လမ်းပေါ်ရှိ လမ်း/တံတားများကို ဖျက်ဆီးခဲ့သည့်အတွက် ယာဉ်သွားလာ၍ မရတော့သည့်အတွက် ကုန်စည်စီးဆင်းမှု ပြတ်တောက်ကာ ပူတာအိုဒေသတွင် ကုန်ဈေးနှုန်းများ အဆမတန် မြင့်မားလာခဲ့ပါသည်။

(၂၄-၂-၂၀၁၈)ရက်နေ့တွင် ကချင်ပြည်နယ် လမ်းဦးစီးဌာန မှ ညွှန်ကြားရေးမှူး ဦးဆောင်သည့် ဒုတိယ ညွှန်ကြားရေးမှူး၊ ဦးစီးအရာရှိ (၂)ဦး၊ ငယ်/ယာ(၁) (၁)ဦး၊ ငယ်/ယာ(၂) (၂)ဦး၊ ငယ်/ယာ(၃) (၂)ဦး တို့သည် ယာဉ်ငယ်(၃)စီး၊ ယာဉ်ကြီး(၃)စီး၊ လုပ်သားအင်အား (၁၀)ဦး၊ Back hoe Loader (၁)စီး တို့ဖြင့် တီယန်စွတ်ရွာ နှင့် ခတ်ခရားယန်ရွာ ကြား ဖျက်ဆီးခံထားရသည့် လမ်းပိုင်းကို စတင် ပြုပြင်ဆောင်ရွက်ခဲ့ပါသည်။

(၂၈-၂-၂၀၁၈)ရက်နေ့တွင် ညွှန်ကြားရေးမှူး ဦးဆောင်သည့် ဒုတိယ ညွှန်ကြားရေးမှူး၊ ဦးစီးအရာရှိ (၂)ဦး၊ ငယ်/ယာ(၂) (၂)ဦးတို့သည် ပူတာအို နှင့် ဆွမ်ပရာဘွမ် ကြား ဖျက်ဆီးခံရသည့် လမ်း/တံတားများကို ပြုပြင်ဆောင်ရွက်ခဲ့ပါသည်။

(၁-၃-၂၀၁၈)ရက်နေ့တွင် ညွှန်ကြားရေးမှူး ဦးဆောင်သည့် ဒုတိယ ညွှန်ကြားရေးမှူး၊ ဦးစီးအရာရှိ (၂)ဦးတို့သည် ဆွမ်ပရာဘွမ် နှင့် မြစ်ကြီးနား ကြား ဖျက်ဆီးခံရသည့် လမ်း/တံတားများကို ပြုပြင်ဆောင်ရွက်ခဲ့ပါသည်။

ပြုပြင်ပြီးစီးမှု အခြေအနေ

တံတားအမှတ်(၆/၁၄၈) ဖုန်အင်တံတား အရှည်(၂၃၅ ပေ)အား တံတားအထူးအဖွဲ့(၁)က ပျက်စီးသည့် H-20 သံဘောင်များကို အားဖြည့် ဝရိန်ဆော်ခြင်း၊ ကြမ်းခင်းဘီးလမ်းများ အသစ်လဲလှယ်ခြင်း တို့ကို ဆောင်ရွက်ခဲ့ခြင်းကြောင့် (၁၅)တန်အောက် ယာဉ်များ ဖြတ်သန်းသွားလာနိုင်မည် ဖြစ်ကာ ယာဉ်ကြီးများ သွားလာနိုင်ရေးအတွက် ယာယီလမ်းလွှဲ ဆောင်ရွက်ပေးထားပါသည်။

တံတားအမှတ်(၆/၁၁၁) ဆီနင်ခတံတား အရှည်(၁၆၅ ပေ)အား လတ်တလော မော်တော်ယာဉ်များ သွားလာနိုင်ရေးအတွက် ရွှံ့ဗွက်နေရာများကို သဲကျောက်များ ချခင်းထားကာ လမ်းအထူးအဖွဲ့(၁)က လမ်းလွှဲ ဖောက်လုပ်ပေးထားပါသည်။

တံတားအမှတ်(၁၀/၈၄) ကဝါးပန်တံတား အရှည်(၄၀ ပေ)အား မော်တော်ယာဉ်များ သွားလာနိုင်စေရန် လမ်းအထူးအဖွဲ့(၂)က ယာယီလမ်းလွှဲပြုလုပ်ပေးထားပါသည်။

မိုင်တိုင် (၈၁/၃ မှ ၈၂/၀)ကြား ကဝါးပန်ရွာ အနီးတွင် (၁)နေရာ၊ မိုင်တိုင် (၉၀/၀ မှ ၉၀/၆)ကြား ထိန်ပိုင်ရွာဟောင်း အနီးတွင် (၁)နေရာ တို့အား မြေဖြတ်ကျင်းအဖြစ် မြေသားတုးထုတ်ထားသော နေရာ(၂)ခုအား လမ်းအထူးအဖွဲ့(၂)က ပြုပြင်ပြီးဖြစ်၍ မော်တော်ယာဉ်များ သွားလာနိုင်ပြီ ဖြစ်ပါသည်။

တံတားအမှတ်(၁/၈၈) နန့်ခမ်းခတံတား အရှည်(၅၀ ပေ)အား မော်တော်ယာဉ်များ သွားလာနိုင်ရန် လမ်းအထူးအဖွဲ့(၂)က ကြမ်းခင်းနှင့် ဘီးလမ်းတို့ကို လဲလှယ်ပြင်ဆင်ပြီး ဖြစ်ပါသည်။

တံတားအမှတ်(၂/၁၁၀) ဇနန်တံတား အရှည်(၆၀ ပေ)အား တံတားအထူးအဖွဲ့(၁)က ကြမ်းခင်းများ ပြုပြင်ဆောင်ရွက်ပြီး ဖြစ်ပါသည်။

(၆-၃-၂၀၁၈)ရက်နေ့တွင် မြစ်ကြီးနား - ဆွမ်ပရာဘွမ် - ပူတာအိုလမ်း မော်တော်ယာဉ်များ သွားလာနိုင်ပြီ ဖြစ်ပါသည်။


ဆောက်လုပ်ရေးဝန်ကြီးဌာန ၊ ပြည်ထောင်စုဝန်ကြီး ဦးဟန်ဇော် သည် ဂျပန်နိုင်ငံ MLIT မှ ဒုတိယ၀န်ကြီး Dr. Masafumi MORI နှင့် တွေ့ဆုံ၍ ဂျပန်-မြန်မာ နှစ်နိုင်ငံချစ်ကြည်ရင်းနှီးမှု ပိုမိုခိုင်မြဲရေးနှင့် ဆောက်လုပ်ရေးကဏ္ဍ ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်ရေးဆိုင်ရာများအား တွေ့ဆုံဆွေးနွေး (၈-၃-၂၀၁၈)


ဆောက်လုပ်ရေးဝန်ကြီးဌာန ၊ ပြည်ထောင်စုဝန်ကြီး ဦးဟန်ဇော် သည် Signing Ceremony for Memorandum of Understanding (MOU) of Fesibility Study and Detailed Project Proposal on

Mandalay - Tigyaing - Muse Expressway Project and Kyaukphyu - NayPyiTaw Highway Project အခမ်းအနားသို့ တက်ရောက် (၆-၃-၂၀၁၈)


ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ရုံးအမှတ်(၄၀)၌ ဂျာမနီနိုင်ငံ Berman Overseas Research and Development Association, BORDA Myanmar [KTED on DEWATS as Part of Integrated Sanitation Approach] ရေဆိုးသန့်စင်ခြင်းဆိုင်ရာ နည်းပညာသင်တန်းအား (၅.၃.၂၀၁၈) ရက်နေ့နှင့် (၆.၃.၂၀၁၈) ရက်နေ့တို့တွင် ကျင်းပပြုလုပ်ခဲ့ရာ မြို့ပြနှင့်အိမ်ရာဖွံ့ဖြိုးရေးဦးစီးဌာန ညွှန်ကြားရေးမှူးချုပ် ဦးမင်းထိန်၊ ဌာနဆိုင်ရာ တာဝန်ရှိ သူများ၊ ဂျာမနီနိုင်ငံ Berman Overseas Research and Development Association, BORDA Myanmar မှ တာဝန်ရှိသူများ တက်ရောက်ကြပါသည်။


ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများနှင့်အတူ ကယားပြည်နယ်နှင့် ရှမ်းပြည်နယ်(တောင်ပိုင်း)အတွင်းရှိ လမ်း/တံတား တည်ဆောက်ရေး၊ ပြုပြင်ထိန်းသိမ်းရေး လုပ်ငန်းများအား ကြည့်ရှုစစ်ဆေးစဉ်၍ ဒေသခံပြည်သူများနှင့် တွေ့ဆုံ။ (၂၆-၂-၂၀၁၈)


ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများနှင့်အတူ ကယားပြည်နယ်နှင့် ရှမ်းပြည်နယ်(တောင်ပိုင်း) အတွင်းရှိ လမ်း/တံတား တည်ဆောက်ရေး၊ ပြုပြင်ထိန်းသိမ်းရေး လုပ်ငန်းများ ကြည့်ရှုစစ်ဆေး။ (၂၅-၂-၂၀၁၈)


ဆောက်လုပ်ရေးဝန်ကြီးဌာန၊ ကျေးလက်လမ်း ဖွံ့ဖြိုးရေးဦးစီးဌာန ညွှန်ကြားရေးမှူးချုပ်နှင့် ဌာနဆိုင်ရာ တာဝန်ရှိသူများသည် မန္တလေးတိုင်းဒေသကြီးအတွင်း တိုင်းဒေသကြီး ရန်ပုံငွေဖြင့် ဆောင်ရွက်လျက်ရှိသော တံတားဦးမြို့နယ် သင်ပန်း - တဇယ် - လက်ပန်ပင် လမ်းအပိုင်း လုပ်ငန်းဆောင်ရွက်မှု အခြေအနေအား ကြည့်ရှုစစ်ဆေး။ (၂၄-၂-၂၀၁၈)


ဆောက်လုပ်ရေး ဝန်ကြီးဌာန၊ ပြည်ထောင်စုဝန်ကြီး ဦးဟန်ဇော် သည် အဆောက်အဦ ဦးစီးဌာန၊ လမ်းဦးစီးဌာနနှင့် တံတားဦးစီးဌာနတို့ရှိ ဓါတ်ခွဲခန်းများအား သွားရောက်ကြည့်ရှုစစ်ဆေးပြီး ကွန်ကရစ်လမ်းနှင့် ကတ္တရာလမ်းတို့မှ အပူကြောင့် မော်တော်ကား တာယာ ပွတ်စားမှုအား သုတေသန ဆောင်ရွက်ထားရှိမှု အခြေအနေများကို လည်းကောင်း၊ တံတားကြီးများ၏ Bearing ကို ငလျင်ဒဏ်ခံနိုင်ရန် သုတေသန ပြုထားမှုများကို လည်းကောင်း၊ အဆောက်အဦများတွင် သုံးသော Mild Steel ၏ လျှောဖြတ်အားနှင့် ဆွဲဆန့်အား တို့ကို သုတေသနပြုထားမှုများကို လည်းကောင်း ကြည့်ရှုစစ်ဆေးသည်။


 

ဆက်လက်၍ ပြည်ထောင်စုဝန်ကြီးက တည်ဆောက်ရေး ဆိုင်ရာနှင့် ပတ်သက်သော Material များစံချိန်စံညွှန်းများ ပြည့်မီစေရေးကို အလေးထား စေလိုကြောင်း၊ စစ်ဆေးတွက် ချက်ရာတွင်လည်း ရာနှုန်းပြည့် မှန်ကန်ရမှာဖြစ်ကြောင်း၊ သို့မှသာနိုင်ငံအတွက် သတ်မှတ်ကာလနှင့် အညီရာနှုန်းပြည့် ခိုင်ခံ့မှုရှိသော နိုင်ငံတကာ အဆင့်မီ အဆောက်အဦ၊ လမ်းနှင့်တံတားများစွာ ပေါ်ထွန်း လာမှာဖြစ်ကြောင်း မှာကြားခဲ့ပြီး ဓါတ်ခွဲခန်း အသီးသီးအား လှည့်လည်ကြည့်ရှု စစ်ဆေးသည်။


 

ယင်းနောက် ဗဟိုသင်တန်းကျောင်း (သုဝဏ္ဏ) အား ကြည့်ရှုစစ်ဆေးရာ သင်တန်းခန်းမ ဆောင်တွင် ကျောင်းအုပ်ကြီးမှ သင်တန်းကျောင်း ဖွဲ့စည်းထားရှိမှု အခြေအနေများ၊ သင်တန်းပို့ချမှု ဆိုင်ရာအခြေအနေ များကို ရှင်းလင်းတင်ပြပြီး ဒုတိယဝန်ကြီး က ခေတ်မီအဆင့်မြှင့် သင်တန်းကျောင်း ဆောက်လုပ်မည့် အခြေအနေများအား ဖြည့်စွက် ရှင်းလင်းသည်။

ထို့နောက် ပြည်ထောင်စုဝန်ကြီးသည် ဗဟိုသင်တန်းကျောင်း (သုဝဏ္ဏ) ရှိ Vocational Training သင်တန်းသား များအား နှုတ်ဆက်အားပေး စကား ပြောကြားခဲ့ပြီး စာသင်ခန်းမများအတွင်း လက်တွေ့လုပ်ငန်း ဆောင်ရွက်နေမှုများအား ကြည့်ရှု စစ်ဆေးခဲ့ပါသည်။

(၁၈-၂-၂၀၁၈)


Page 6 of 18