ဆောက်လုပ်ရေးဝန်ကြီးဌာန၊ တံတားဦးစီးဌာန၊ တံတားတည်ဆောက်ရေးအဖွဲ့(၃)၊ တံတားအထူးအဖွဲ့(၉)က တာဝန်ယူတည်ဆောက်မည့် ပဲခူးမြစ်ကူးတံတား(မြို့ဦးကင်း) ပန္နက်တော်တင် တွင်းတော်ဝန်း မင်္ဂလာအခမ်းအနားကို (၂-၃-၂၀၁၉)ရက် နံနက်(၀၈း၀၀)အချိန်တွင် ပဲခူးတိုင်းဒေသကြီး၊ ပဲခူးမြို့၊ သမိန်ဗရမ်းလမ်း ဘက်ကမ်းရှိ တံတားတည်ဆောက်မည့် စီမံကိန်းနေရာ၌ ကျင်းပပြုလုပ်ရာ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်၊ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်း၊ ပဲခူးတိုင်းဒေသကြီး လွှတ်တော်ဥက္ကဌ ဦးခင်မောင်ရင်၊ ပဲခူးတိုင်းဒေသကြီး အစိုးရအဖွဲ့ဝင် ဝန်ကြီးများ၊ လွှတ်တော်ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ ဖိတ်ကြားထားသည့် ဧည့်သူများ၊ ဒေသခံ ပြည်သူများ တက်ရောက်ကြပါသည်။ တံတားဦးစီးဌာနအနေဖြင့် တစ်နိုင်ငံလုံးတွင် ပေ(၁၈၀)နှင့်အထက် တံတားကြီး အစင်း(၅၆၀)ကျော် တည်ဆောက်ထိန်းသိမ်းထားပြီး ပဲခူးတိုင်းဒေသကြီးအတွင်း တံတားကြီး (၄၃)စင်း တည်ဆောက်ပြီးစီးခဲ့ပြီး တည်ဆောက်ဆဲ တံတားကြီး (၁၁)စင်း ရှိပါသည်။ ပဲခူးမြစ်ကူးတံတား(မြို့ဦးကင်း)သည် ပဲခူးမြို့ရှောင်လမ်း တစ်လမ်းဖြစ်သော စိန်သာလျောင်းလမ်းနှင့် သမိန်ဗရမ်းလမ်းပေါ်တွင် တည်ရှိပြီး တံတားအရှည်(၁၅၈)မီတာ (၂)လမ်းသွား သံကူကွန်ကရစ် တံတားအမျိုးအစား ဖြစ်ပြီး တည်ဆောက်ပြီးစီးပါက ရန်ကုန် - မန္တလေး လမ်းဟောင်းမှတဆင့် ပဲခူးမြို့ရှောင်လမ်းနှင့် ဆက်စပ်သည့်ဒေသများကို အချိန်တိုအတွင်း ဆက်သွယ်သွားလာနိုင်မှာ ဖြစ်သဖြင့် ဒေသခံပြည်သူများ၏ ပညာရေး၊ ကျန်းမာရေး၊ လူမှုရေး၊ စီးပွားရေး အခြေအနေများ တိုးတက်လာကာ ဒေသဖွံ့ဖြိုးတိုးတက်လာနိုင်မည် ဖြစ်ပါသည်။


ဆောက်လုပ်ရေးဝန်ကြီးဌာန ဒုတိယဝန်ကြီး ဦးကျော်လင်းသည် ရခိုင်ပြည်နယ် လမ်းပန်းဆက်သွယ်ရေးဝန်ကြီး ဦးအောင်ကျော်ဇံ၊ ဌာနဆိုင်ရာ တာဝန်ရှိသူများနှင့်အတူ (၂-၃-၂၀၁၉)ရက်နေ့ ညနေပိုင်းတွင် ပုဏ္ဏားကျွန်း - ရသေ့တောင်လမ်း မိုင်တိုင် (၃/၀) မှ (၃/၁)ကြား အကျယ်(၁၈)ပေ ကွန်ကရစ်လမ်းခင်းခြင်းလုပ်ငန်းအား ကြည့်ရှုစစ်ဆေးပြီး မိုင်တိုင် (၆/၀)ရှိ ကွန်ကရစ်ဖျော်စက် (Batching Plant)သို့ ရောက်ရှိရာ စစ်တွေခရိုင် လက်ထောက်ညွှန်ကြားရေးမှူးက လုပ်ငန်းဆောင်ရွက်နေမှု အခြေအနေနှင့် ဆက်လက်ဆောင်ရွက်မည့် လုပ်ငန်းအခြေအနေများကို ရှင်းလင်းတင်ပြပါသည်။ ရှင်းလင်းတင်ပြမှုများအပေါ် ဒုတိယဝန်ကြီး က ကွန်ကရစ်ဖျော်စပ်ရာတွင် သတ်မှတ် ကျောက်အရွယ်အစားများအတိုင်း အသုံးပြုပြီး Mix Design အတိုင်း အချိုးမှန်အောင် ဖျော်စပ်အသုံးပြုရန်နှင့် QC အဖွဲ့၏ ကြီးကြပ်မှုဖြင့် အရည်အသွေးကောင်းမွန်အောင် ဆောင်ရွက်ရန် လမ်းညွှန်မှာကြားပါသည်။ ပုဏ္ဏားကျွန်း - ရသေ့တောင် လမ်းသည် (၂၂)မိုင် (၆)ဖာလုံရှိပြီး အမာခံလမ်း အမျိုးအစားဖြစ်ပါသည်။ ယခုဘဏ္ဍာနှစ်တွင် အကျယ်(၁၈)ပေ ကွန်ကရစ်လမ်းအဖြစ် (၆)မိုင် (၆)ဖာလုံ ဆောင်ရွက်ရန် လျာထားပါသည်။ အဆိုပါလမ်းသည် ရသေ့တောင် မှတဆင့် ဘူးသီးတောင် - မောင်တော မြို့များသို့ အဓိက ဆက်သွယ်မည့် လမ်းမကြီး ဖြစ်ပါသည်။ ဒုတိယဝန်ကြီးနှင့် အဖွဲ့သည် (၃-၃-၂၀၁၉)ရက်နေ့တွင် မကြာမီဖွင့်လှစ်တော့မည့် စစ်တွေမြို့၊ လမ်းမတော်ရပ်ကွက်နှင့် ဆတ်ရိုးကျကျေးရွာအား ဆက်သွယ်တည်ဆောက်နေသော ဆတ်ရိုးကျတံတား တည်ဆောက်ရေးစီမံကိန်းသို့ ရာက်ရှိပြီး စီမံကိန်းတာဝန်ခံ ဒုတိယညွှန်ကြားရေးမှူး ဦးသိန်းနိုင်က တည်ဆောက်ပြီးစီးမှု အခြေအနေများကို ရှင်းလင်းတင်ပြပါသည်။ ဒုတိယဝန်ကြီး က တံတားခံနိုင်ဝန် စိစစ်ပြီးစီးပြီဖြစ်၍ ပြည်သူများ အသုံးပြုနိုင်ရေး ကြိုတင်ဖြတ်သန်းခွင့်ပြုရန် ပြောကြားပါသည်။ တံတားစီမံကိန်းသည် (၂၇-၁၂-၂၀၁၆)ရက်နေ့မှ စတင်တည်ဆောက်ခဲ့ရာ ယခုအခါ (၁၀၀%) ပြီးစီးနေပြီး တံတားအရှည်(၁၆၄၂)ပေနှင့် ယာဉ်သွားလမ်း အကျယ်(၂၄)ပေ၊ အပေါ်ထပ်သံမဏိသံပေါင်နှင့် အောက်ထပ် သံကူကွန်ကရစ် တံတားအမျိုးအစား ဖြစ်ပါသည်။


Page 1 of 14

နေ့စဉ်သတင်းစာများရယူရန်