RCC Myanmar

Government Organization

Building No.(11), Ministry of Construction, Nay Pyi Taw
 
ph:   0949201878, 098601906

Random Photo

25907.jpg

ကျေးလက်လမ်းဖွံ့ဖြိုးရေးဦးစီးဌာန ဝန်ထမ်းများနှင့် တွေ့ဆုံ

ဆောက်လုပ်ရေးဝန်ကြီးဌာနတွင် အသစ်တိုးချဲ့ဖွဲ့စည်းသည့် ကျေးလက်လမ်းဖွံ့ဖြိုးရေး ဦးစီးဌာနသို့ ပြောင်းရွှေ့တာဝန် ထမ်းဆောင်မည့် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ အရာထမ်းများနှင့် တွေ့ဆုံပွဲအခမ်းအနားကို (၈-၈-၂၀၁၇)ရက်နေ့ နံနက်(၀၈း၀၀)အချိန် ဆောက်လုပ်ရေးဝန်ကြီးဌာန၊ အစည်းအဝေးခန်းမတွင် ကျင်းပပြုလုပ်ရာ အဆိုပါတွေ့ဆုံပွဲသို့ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ ဒုတိယဝန်ကြီး ဦးကျော်လင်း၊ အမြဲတမ်းအတွင်းဝန် ဦးဝင်းတင့်၊ ညွှန်ကြားရေးမှူးချုပ်များ၊ ဒု-ညွှန်/ချုပ်များ၊ အင်/ယာများ၊ ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ အရာထမ်းများ တက်ရောက်ကြပါသည်။ ပြည်ထောင်စုဝန်ကြီးက အဖွင့်အမှာစကားအဖြစ် ဆောက်လုပ်ရေးဝန်ကြီးဌာနသည် တိုင်း/ပြည်နယ်များရှိ လမ်းတံတား လုပ်ငန်းများ ဖွံ့ဖြိုးတိုးတက်ရေးကို အရှိန်အဟုန်ဖြင့် ဆောင်ရွက်လျက်ရှိပြီး ကျေးလက်လမ်းများ ဖွံ့ဖြိုးတိုးတက်ရေးအတွက်လည်း ဆောင်ရွက်သွားမည် ဖြစ်ပါကြောင်း၊ ကျေးလက်လမ်း ဖွံ့ဖြိုးရေးဦးစီးဌာန ဖွဲ့စည်းရခြင်းမှာ လုပ်ငန်းတူရာစုဖွဲ့ပြီး ပိုမိုထိရောက် အောင်မြင်ရန်နှင့် ကျေးလက်နေပြည်သူများ၏ အဓိက လိုအပ်ချက်ဖြစ်သည့် ကုန်ထုတ်လမ်းများ တိုးတက်ကောင်းမွန်အောင် ဆောင်ရွက်ပေးမည် ဖြစ်ပါကြောင်း၊ နိုင်ငံဖွံ့ဖြိုးတိုးတက်ရေးအတွက် လမ်းပန်းဆက်သွယ်ရေး ကောင်းမွန်ရန် အလွန်အရေးကြီးပါကြောင်း၊ ကျေးရွာချင်းဆက်လမ်း၊ ခရိုင်ချင်းဆက်လမ်းမှတစ်ဆင့် ပြည်ထောင်စုလမ်း အာဆီယံလမ်းမကြီးများသို့ ချိတ်ဆက်သွားလာနိုင်စေရန် စံချိန်စံညွှန်း အရည်အသွေး ပြည့်မီသော လမ်းများ ဖြစ်အောင် ဆောင်ရွက်ရမည် ဖြစ်ပါကြောင်း၊ ယခုအသစ် ဖွဲ့စည်းသည့် ကျေးလက်လမ်းဖွံ့ဖြိုးရေး ဦးစီးဌာနသို့ ပြောင်းရွှေ့လာသည့် ဝန်ထမ်းများအနေဖြင့် ပြည်သူ့အကျိုးဆောင်ရွက်ရာတွင် စိတ်ရင်းစေတနာ အမှန်ဖြင့် ရိုးသားပွင့်လင်းစွာ ဆောင်ရွက်သွားရန်၊ ဝန်ထမ်းကျင့်ဝတ် သိက္ခာများ စောင့်ထိန်းပြီး ပြည်သူက အမှန်တကယ် ယုံကြည်အားထားတဲ့ ပြည်သူ့ဝန်ထမ်းများ ဖြစ်အောင် ကြိုးစားဆောင်ရွက်ရန် ပြောကြားပါသည်။ ဒုတိယဝန်ကြီး ဦးကျော်လင်း က ဆောက်လုပ်ရေးဝန်ကြီးဌာန ၏ ရည်မှန်းချက်၊ မူဝါဒ၊ ရှေ့ဆက်လက်ဆောင်ရွက်မည့် လုပ်ငန်းစဉ်များနှင့် ပက်သက်၍ ရှင်းလင်းပြောကြားပါသည်။ အမြဲတမ်းအတွင်းဝန် ဦးဝင်းတင့် နှင့် ညွှန်ကြားရေးမှူးချုပ်များက ဦးစီးဌာနများ၏ လုပ်ငန်းစဉ်များ ဖွဲ့စည်းထားရှိမှုနှင့် ဆောင်ရွက်ရမည့် လုပ်ငန်းတာဝန် ကိစ္စရပ်များနှင့် ပက်သက်၍ ရှင်းလင်းပြောကြားကာ တက်ရောက်လာသည့် ဝန်ထမ်းများက လုပ်ငန်းများနှင့်ပက်သက်သည်များကို ဆွေးနွေးတင်ပြပြီး တွေ့ဆုံပွဲအခမ်းအနားကို ရုတ်သိမ်းပါသည်။

Daily Newspapers