Select Language
Headlines:

နောက်ခံသမိုင်းကြောင်း

ဆောက်လုပ်ရေး ၀န်ကြီးဌာနသည် ၁၈၈၉ ခုနှစ်တွင် စတင်ဖွဲ့စည်းခဲ့သည့်  ပြည်သူ့ လုပ်ငန်းဌာန နှင့် ၁၉၅၁ ခုနှစ်တွင် ဖွဲ့စည်း ခဲ့သည့် ပြည်သူ့အိုးအိမ် ပြန်လည် ထူထောင်ရေးနှင့် မြို့ရွာစည်ပင်ရေး အဖွဲ့တို့ကို ဦးဆောင်ကြပ်မတ် နိုင်ရန် ၁၉၅၄ ခုနှစ်တွင် ပြည်သူ့လုပ်ငန်းနှင့် အိမ်ရာဆောက်လုပ်ရေး ဝန်ကြီးဌာန အမည်ဖြင့် စတင် ဖွဲ့စည်း ဆောင်ရွက် ခဲ့ပါသည်။ ၁၉၇၂ ခုနှစ်တွင် ဆောက်လုပ်ရေး ဝန်ကြီးဌာနအဖြစ် ပြုပြင် ပြောင်းလဲ ဖွဲ့စည်းခဲ့ပြီး ဝန်ကြီးဌာန၏ ရည်မှန်းချက်နှင့် တာဝန် ဝတ္တရားများကို ပြည်ထောင်စု အစိုးရအဖွဲ့၏ ဦးဆောင်မှုဖြင့် ဖော်ဆောင် လျက်ရှိပါသည်။ အဓိက အားဖြင့် ပြည်သူ့ရေးရာ ဝန်ဆောင်မှုများ အနက် လူမှု့စီးပွားရေး၏ အခြေခံ အဆောက် အအုံများ ဖြစ်သော လမ်းကွန်ရက် ၊ ဆောက်လုပ်ရေး ကဏ္ဍ နှင့် လူမှု့စီးပွား ဖွံ့ဖြိုး တိုးတက်မှုအတွက်  လိုအပ်သော မြို့ပြကဏ္ဍ နှင့် အိမ်ရာကဏ္ဍတို့ စဉ်ဆက် မပြတ် ဖွံ့ဖြိုးရေးကို တာဝန်ယူ ကြပ်မတ် ဖော်ဆောင် လျက်ရှိသော ဝန်ကြီးဌာန ဖြစ်ပါသည်။